Alǵa adymdaǵan «Akvaterm»

Memleket basshysy Nursultan Nazarbaevtyń erekshe nazaryndaǵy údemeli ındýstrııalyq-ınnovasııalyq damý baǵdarlamasy aýyldyq aımaqtardy da qanattandyryp otyr. Babataı temir jol stansa­syndaǵy «Akvaterm NS» JShS kásiporny jumysqa qosylǵaly kóp bolmasa da, olar shyǵaratyn kondısıonerler, jylýmen qamtamasyz etetin jabdyqtar kópshilik nazaryn aýdarýda. Ony sapaly ónimderge suranystyń arta túskenimen dáleldeýge bolady. Bir qýanyshtysy, ýaqytpen úndes seriktestik basshylary ıgi izdenisterin jalǵastyra túsýde. Jýyrda kásiporynda jańa seh ashylyp, qýat únemdegish tehnologııa aýqymyndaǵy ónimder daıyndaldy. Baba­taı­lyqtar qazir óz áriptesterine kún sáýleli batareıalar men jylý saq­taǵysh peshterdi jónelte bastady. Jobanyń quny 65 mıllıon teńgeni quraıdy. Osynda 15 jańa jumys orny ashylsa, JShS qyzmet­ker­leriniń barlyǵy jergilikti turǵyndar ekendigi de úlgi alarlyq qadam. «Akvatermniń» aıryqsha sıpattaǵy ónimderi synaqtan oıdaǵydaı ótip, Astana rynogyn tolyqtyrdy. Bul jabdyqtardyń jurtshylyqqa keńinen áıgili Beıbitshilik jáne kelisim saraıynda, «Han Shatyr» saýda-kóńil kóterý kesheninde, «Astana-Arena» jabyq stadıonynda qoldanylatyny mereı ósiredi. Baqbergen AMALBEK. Aqmola oblysy, Arshaly aýdany.