SpaceX jáne Tesla kompanııalarynyń negizin qalaǵan Ilon Mask jáne DeepMind basshysy Mustafa Súleıman sııaqty belgili adamdar da qol qoıǵan ashyq hatta qarý jasaýda jarysý osy saladaǵy oq-dári men ıadrolyq qarý sııaqty úshinshi revolıýsııaǵa alyp keletinin eskertedi.
«Qarýlanýdyń jańa túri dıktatorlar men terrorısterdiń qarýyna aınalýy múmkin. Hakerler onyń baǵdarlamasyn buzyp kirip, keri maqsatta paıdalana alady», - delingen habarlamada. Adamnyń qatysynsyz soǵys áreketterin júrgize beretin robottehnıka týraly hat BUU-ǵa Melbýrnda ótken konferensııa kezinde joldanǵan bolatyn. Jaqynda BUU avtonomdy ushatyn apparattar, tankiler men pýlemetterdi jasap shyǵarýdy resmı talqyǵa shyǵarmaq.
The Guardian málimeti boıynsha, avtonomdy túrde ushatyn qarý túrleri qazir de bar, máselen, Samsung jasap shyǵarǵan SGR-A1 kúzetshisi. Bul tehnıka adamnyń buıyryǵyn kútpeseten, óz betimen oq ata bere alady. Sonymen qatar, soǵys robottaryn jasaý jumystary AQSh pen Reseıde júrip jatqan kórinedi. Sonyń ishinde tankilerdi joıýǵa arnalǵan «Ýran-9» rototehnıkalyq keshen týraly aıtylady.
tengrinews.kz
