– Erteńgi match Glazgoda ótken oıyndaı jeńil bolady dep oılaısyz ba?
– Negizi alǵashqy oıyn bizge ońaı boldy dep aıta almaımyn. Biraq jaqsy nátıjege qol jetkizgenimiz anyq. Erteń de jeńiske jetkimiz keledi. Bul bizdiń qolymyzdan keledi dep úmittenemin.
– Glazgoda ótken oıynnyń aldynda komandanyń azdap qobaljyǵany anyq. Bul joly...?
– «Astananyń» deńgeıin jaqsy bilemiz. Osal qarsylas emes. Sondyqtan barynsha joǵary deńgeıde óner kórsetýge tyrysamyz.
– «Seltık» ótken jylmen salystyrǵanda kúsheıdi dep oılaısyz ba?
– Komandanyń negizi qaldy. Biraq oıynymyzdyń azdap ózgergeni ras. Alda bizdi kóptegen matchtar kútip tur. Biz bárinde jeńiske jetýimiz kerek.
– «Astananyń» ortalyq jartylaı qorǵanysyn qalaı baǵalar edińiz?
– «Astana» Glazgoda jaqsy óner kórsetken bolatyn. Bizdi jıi qysymǵa aldy. Jartylaı qorǵanysqa qajetti fýtbolshylardyń jınalǵany kórinip tur.
– О́tken jyly «Seltık» «Astanadan» áreń ótken bolatyn. Biraq bıyl alǵashqy oıynnyń ózi-aq basqa baǵytta órbidi.
– Bizdiń daıyndyǵymyz jaqsyraq boldy. Qarsylasymyzdy aldyn ala zerttep, shabýyldy ótkizýdiń túrli joldaryn qarastyrdyq.
– Erteń «Astana» buryn-sońdy bolmaǵan ǵajaıypty jasap, Chempıondar lıgasynyń tarıhyn jańartar bolsa, «Seltıktiń» kúıi ne bolmaq?
– Bilmedim...
– Glazgodaǵy oıynda Patrık Tvýmasımen birneshe ret jeke shyqtyńyz. Keı tustarynda urysqa da bardyńyz. Bul match aldynda berilgen tapsyrma ma?
– Qarsylasymyz shabýylǵa shyqqanda, eń basty maqsatymyz – ony toqtatý. Keı sátterde men odan myqtyraq oınap, ashýyna tıgen kezderim boldy.
Aıan ÁBDÝÁLI,
«Egemen Qazaqstan»
