Onyń túp-tórkini birinshi kezekte «Maksımýs» JShS sekildi oblys ortalyǵyndaǵy lekor-araq ónimderin shyǵaratyn kásiporyndardyń qyzmetine qatysty týyndap otyr. Alǵashqy baqylaýlar men tekserýler qalanyń káriz júıesine tógiletin spırt óndirisiniń qaldyqtary osyndaı teris qubylystyń oryn alýyna negiz qalaıtyny belgili boldy. Ony oblystyń bas ekology Jaqsyǵalı Imanqulov ta joqqa shyǵarmaıdy. Iаǵnı tehnıkalyq tilde «fýgat» dep ataý taǵylǵan suıyq qaldyq tazartylmaǵan qalpynda káriz júıesi sýlarymen aralasyp ketkeni jóninde de naqty baılamdar bar.
Zaýyt basshylary ony joıý maqsatynda aldyn ala qaınatylyp, býlandyrylatyn fransýzdyq júıe paıdalanyla bastaǵanyn aıtyp berdi. Olardyń málimdeýinshe, mundaı jaǵdaıda spırt óndirisi qaldyqtarynyń mólsheri ájeptáýir azaıady eken. Kelesi kezekte onyń qalǵan bóligindegi zııandy zattardy zalalsyzdandyrý úshin arnaıy preparattar qoldanylmaq. Bul kezde qaldyq arnaıy jabyq orynda tundyrylady. Tek sodan keıin ǵana káriz júıesine jiberiledi deıdi olar. Mundaı tazartýdan keıin fýgat ekologııaǵa zııandy áserin tıgizbeıtin kórinedi. Búgingi kúni qalalyq káriz júıesine tógiletin qaldyqtardan synama alý jumystaryn júrgizý belgilengen, aldaǵy ýaqytta mundaı tekserýler «Aqbulaq» AQ arqyly ár 10 kún saıyn júrgizilip, saraptaý qorytyndylary jarııalanyp turmaq. Mundaı tártip Aqtóbe qalasyndaǵy spırt óndirisimen aınalysatyn barlyq kásiporyndarǵa ortaq bolyp tabylady.
Temir QUSAIYN,
«Egemen Qazaqstan»
AQTО́BE
