Sýret: Tengrinews.kz
Mundaı jaǵdaıdy «temirjolshylardy» ókshelep kele jatqan «Qaırat» óz paıdasyna sheber paıdalana bildi. О́z alańynda Qaraǵandynyń «Shahterin» qabyldaǵan jańa bapker Karlos Ferrerdiń shákirtteri «kenshilerdi» 3:1 esebimen tize búktirdi. Jalpy, «Qaırat» bıylǵy chempıonatta «Shahterge» qyrǵıdaı tıdi. Osy kezdesýdiń aldyndaǵy oıyndarda eki ret 4:1 esebimen kúırete jeńgen bolatyn. Bárin qosqanda almatylyqtar Qaraǵandy klýbynyń qaqpasyna 11 gol soǵyp, ózine bar-joǵy úsh dop qana jiberip alǵan eken. Sóıtip, «Qaırat» kósh basyndaǵy «Astanamen» aradaǵy upaı alshaqtyǵyn az kúnge bolsa da tórt upaıǵa qysqartty.
Qola júlde úshin tartystan mán ketken sııaqty. Nege deseńiz, Shymkenttiń «Ordabasy» osy týrda «Atyraýdy» óz alańynda 2:0 esebimen jeńdi de, qyr sońynan qalmaı kele jatqan «Ertisten» segiz upaıǵa uzap ketti. Al, pavlodarlyqtar bolsa, óz alańynda «Qaısarmen» 0:0 esebimen teń túsip, taǵy da upaı joǵaltty.
Týrnır kestesiniń tómengi jaǵyndaǵy jaǵdaı da osy týrdan keıin bálendeı ózgeriske ushyraı qoıǵan joq. Kósh sońyndaǵy «Aqtóbe» syrt alańda «Aqjaıyqpen» teń túsip, «aýtsaıder» degen atqa ábden moıynsunǵandaı. Bul eki ujymnan tómennen joǵary sanaǵanda úshinshi satyda turǵan «Oqjetpestiń» de ozyp ketkeni shamaly. Aýtsaıderlermen kórshiles Kókshe fýtbolshylarynyń keıinge qaldyrylǵan matchta «Astanamen» oınaıtynyn esepke alsaq, joǵarydaǵy sózimizge komandanyń jankúıerleri keıistik bildire qoımas degen oıdamyz.
Surmergender arasyndaǵy tartysta sońǵy týrda taǵy da gol soǵyp, kózge túsken Jerar Goý alda keledi. «Qaırattyń» «qara marjanynyń» enshisinde 17 dop bar. «Astananyń» shabýylshysy Jýnıor Kabananga 15 golmen ekinshi orynda keledi. Al, Patrık Tvýması («Astana») men Tańat Nóserbaev («Ordabasy») qarsylastar qaqpasyn 9 retten dál kózdepti.
О́tken 24-týrda mynadaı nátıjeler tirkeldi:
«Aqjaıyq» – «Aqtóbe» – 2:2 (1:0), Djýrovıch, 20 (1:0). Zenkovıch, 46 (1:1). Djýrovıch, 57 (2:1). Zenkovıch, 82 – penaltıden (2:2). «Tobyl» – «Taraz» – 1:1 (0:0, Kvekveskırı, 72 – penaltıden (1:0). Mane, 77 (1:1). «Ordabasy» – «Atyraý» – 2:0 (0:0), Tuńǵyshbaev, 69 (1:0). Nóserbaev, 87 (2:0). «Ertis» – «Qaısar» – 0:0 (0:0). «Qaırat» – «Shahter» – 3:1 (0:1), Stanoevıch, 43 (0:1). Isael, 52 (1:1). Goý, 67 (2:1). Ahmetov, 85 (3:1).
Kelesi 25-týr 26 tamyz kúni ótedi:
«Atyraý» – «Qaırat», «Qaısar» – «Ordabasy», «Oqjetpes» – «Aqtóbe», «Tobyl» – «Aqjaıyq», «Taraz» – «Ertis».
