Ultaralyq kelisimdi joǵary baǵalady

Qazaqstan Respýb­lı­kasy Parlamenti Máj­i­lisiniń Halyqaralyq ister, qorǵanys jáne qaýip­sizdik komıtetiniń tóraǵasy Ámzebek Jol­shybekov Eýropadaǵy qaýipsizdik jáne ynty­maqtastyq uıymy Qaq­tyǵysýlardan saqtaý or­talyǵynyń dırek­to­ry Adam Koberaskımen  kez­desti, dep habarlady Májilistiń baspasóz qyzmeti. Ámzebek Jolshybekov meıman­nyń suraqtaryna oraı Qazaq­stan­nyń syrtqy saıasaty, Memleket basshysy N.Nazarbaevtyń beıbitshilikti qorǵaý maqsatyndaǵy bas­ta­malary, el Parlamentiniń qury­lymy týraly aıtyp berdi. Kezdesýde Astanada aıaqtalǵan Iаdrolyq qarýsyz álem úshin ha­lyq­aralyq forýmy týraly jan-jaqty áńgime órbidi. Adam Koberaskı atalǵan jıynnyń mańyz­dy­lyǵyn aıta kelip, osy sharaǵa qa­tys­qanyna qýanyshty ekenin jetkizdi. О́ıtkeni, ıadorlyq qarýdy taratpaý álem boıynsha asa mańyzdy máselege aınalyp turǵany anyq. Meıman Qazaqstandaǵy ultara­lyq kelisimge joǵary baǵa berdi, bul táýelsiz eldiń úlken jetistik­teriniń biri ekenin aıtty. Kóp ultty qazaq jerinde 50 myńdaı polıaktyń turyp jatqanyn tilge tıek etti. Taraptar EQYU-nyń barlyq ınstıtýttarymen baılanysty nyǵaı­tý týraly pikir bildirdi, sonyń ishinde parlamenttik uıymdarmen baı­la­nys­ty jandandyrý jaıy sóz boldy. Kezdesýge EQYU-nyń Astana­daǵy Ortalyǵynyń jetekshisi Alek­sandr Kelchevskı, sondaı-aq Qazaqstan Parlamenti Májilisiniń depýtattary, EQYU Parlamenttik Assambleıasynyń músheleri  Svetlana Bychkova men Erbolat Áp­sálıamov qatysty.