Ákim bastaǵan delegasııa pavılonnyń ár qabatynda usynylǵan jel, kún, bıomassa, sý jáne ǵarysh energııasynyń úlgilerimen jan-jaqty tanysyp, óńirde júzege asyrýǵa bolatyn tıimdi jobalar jaıyn ózara talqylady.
Munan bólek, olar sheteldikterdiń usynǵan zamanaýı tehnologııasynyń jańa jetistikterin tamashalap, qýat kúshin alatyn tyń joba - jeke aımaǵyn aralap kórdi.
EKSPO kórmesi Qazaqstannyń áleýetin kórsetýge zor múmkindik beretinin aıtqan ákim halyqaralyq sharanyń mańyzyna toqtaldy.
«О́te joǵary deńgeıde uıymdastyrylǵan EKSPO kórmesine otandyq jáne sheteldik qonaqtardyń kóptep kelýi bizdi qýantady. О́zderińiz kórip otyrǵandaı aýqymy keń kórmeni aralaýǵa bir kún jetpeıdi. Álemniń aldyńǵy qatarly memleketteri ǵylymdaǵy sońǵy jańalyqtaryn usynyp otyrǵan bul halyqaralyq sharany tamashalaýdy árbir qazaqstandyqqa keńes berer edim. Bul ulttyq rýhymyzdy kóterip, keleshek urpaqtyń ǵylym men bilimge qushtar bolyp ósýine úlken serpin bereri sózsiz», - dedi oblys ákimi.
Sonymen qatar, jumysshy top «EKSPO - 2017» halyqaralyq mamandandyrylǵan kórmesi aıasynda Ońtústik Qazaqstan oblysynyń Astana qalasyndaǵy kúnderi boıynsha ótkiziletin is-sharalardyń barysyn pysyqtady.
Elimizdiń bas qalasynda 29 tamyz ben 3 qyrkúıek kúnderi elordalyqtar men qonaqtar nazaryna 42 túrli mádenı jáne áleýmettik is-sharalar usynylmaq. Sondaı-aq, Qazaqstandaǵy 30 eldiń elshileri qatysatyn óńirdiń ınvestısııalyq múmkindikteri tanystyrylatyn bıznes-forým, aýyl sharýashylyq ónimderiniń jármeńkesi men «Ońtústik ónimderi» oblys taýaróndirýshileriniń kórmesi ótedi dep josparlanýda.
