- Biz oıyndy jaqsy bastadyq. Dopqa kóbirek ıelik etip, matchty óz baqylaýymyzda ustadyq. «Astana» alǵashqy oıynda iri eseppen jeńilgenine qaramastan sońyna deıin kúresti. Qurmetke laıyq komanda. Birinshi goldy abaısyzda jiberip aldyq. Esep teńeskennen keıin oıynshylarym ózderin erkin ustaı bastady. Match 4:1 bolǵan shaqta jaǵdaıymyz qıyndaı tústi. Biraq ekinshi goldy salǵannan keıin ózimizdi jaıly sezine bastadyq.
- Matchtaǵy eń aıtýly sát dep qaı kezdi aıtar edińiz?
- Bizdiń ekinshi goldy salǵan sátimiz der edim. Ekinshi goldan keıin oıyn múldem basqa baǵytta órbidi. Qysymnan da qutyldyq. Úshinshi goldan keıin bári óz ornyna túskennen kóp kúttirmedi. Beıne bir kambek jasaıtyndaı kórindi.
– Alǵashqy oıynǵa qaraǵanda «Astana» sizderdi tań qaldyrdy ma? Tórtinshi gol soǵylǵannan keıin qorqynysh bolmady ma?
- Birinshi oıyndaǵy esepten keıin bizde senimdilik bar edi. Biraq «Astananyń» oıynshylary úlken úmitpen shyqqany kórinip turdy. Ekinshi taımnyń jıyrma mınýty bizge óte aýyr boldy.
- «Astana» Eýropa lıgasynda qandaı deńgeıde óner kórsetedi dep oılaısyz?
- Eýropa lıgasynda da «Mılan», «Saýtgempton» sekildi úzdik komandalar bar. «Astana» osyndaı oıynymen biraz jerge baratyny anyq. Sebebi, óz alańynda olardan upaı alý múmkin emes desem de bolady. «Astanaǵa» tek sáttilik tileımin.
- Chempıondar lıgasyna joldama aldyńyzdar. Bul «Seltıkke» qanshalyqty paıdasyn tıgizedi dep oılaısyz?
- Chempıondar lıgasy Eýropanyń eń basty týrnıri ǵana emes. Sonymen qatar, eldegi fýtboldy damytýdyń birden bir joly. Munda jerde tek úzdikter ǵana óner kórsetedi. Bul óz kezeginde komandanyń deńgeıin arttyrýyna septigin tıgizeri anyq.
- Koýtınonmen biraz ýaqyt jumys istedińiz? Oǵan «Barselonanyń» usynyp otyrǵan 150 mln eýroǵa laıyq dep oılaısyz ba?
- «Lıverpýl» úzdik komandalardyń biri. Al Koýtıno óte talantty oıynshy. Sondyqtan ony «Lıverpýlde» qalady dep úmittenemin.
Aıta keteıik, Chempıondar lıgasynyń pleı-off kezeńiniń jaýapty oıynynda «Astana» óz alańynda Shotlandııanyń «Seltık» komandasyn qabyldap, 4:3 esebimen jeńiske jetti. Alaıda, qos matchtyń qorytyndysy boıynsha shotlandııalyq ujym Chempıondar lıgasynyń toptyq kezeńine joldama aldy. Glazgoda ótken oıynda elordalyqtar 0:5 bolyp ese jibergen bolatyn.
Aıan ÁBDÝÁLI,
«Egemen Qazaqstan»
