Jolaýshylarǵa jaǵdaı jasalmaq

Ásirese, qalaly jerlerde kólik qozǵalysyn retteý qıyn. Buǵan joldyń tarlyǵy da, kóliktiń kóptigi de áser etpeı qoımaıdy. Sondyqtan, kólik qoz­ǵalysyn retteý arqyly qaý­ip­­sizdikti qamtamasyz etý de bas­ty nazarda bolýy tıis. Búginde Taraz qalasynda 369 myń tur­ǵyn bar. Sol turǵyndardyń 100 myńǵa jýyǵy «Almaty –  Shymkent» baǵytyndaǵy temir jol jelisiniń arǵy betinde tu­ra­dy. Qazirgi kezde shahardyń eki bóligi arasyndaǵy kólik qa­tynasy Abaı kóshesinde or­nalasqan tek qoldanystaǵy jal­ǵyz jol ótkeli arqyly qam­ta­masyz etilip keledi. 

Sońǵy jyldary óńirdegi kó­lik qozǵalysynyń qarqyny eki-úsh esege óskeni baıqalady. Son­dyqtan da qoldanystaǵy jal­ǵyz jol ótkeli kólik aǵymyn ıge­re almaı otyr. Oǵan qosa, Qyr­ǵyz Respýblıkasy shekarasy men «Aısha bıbi» keden beketi baǵyty arqyly táýligine 4-5 myń avtokólik qatynaıdy. Munyń bárin qosqanda óńirdegi kólik qozǵalysy men jol máse­le­si osy ýaqytqa deıin kún tár­ti­­binde turǵan edi. 

Alaıda Taraz qalasyndaǵy Aısha bıbi kóshesiniń sońynda or­nalasqan, qurylysy toqsa­nyn­shy jyldary bastalyp, bi­raq áli kúnge deıin bitpegen jol ótkelin qaıta jańartyp, paı­da­lanýǵa berý bul máseleniń oń sheshimi bolǵaly tur. «Atalǵan jol ótkelin qaıta jańartý maq­sa­tynda, oblystyq bıýdjet ese­binen qajetti jobalyq-sme­ta­lyq qujattama ázirlenip, oǵan memlekettik saraptamanyń oń qorytyndysy alynǵan. Jo­banyń quny 1 mıllıard 917 mıllıon 311 myń teńgeni qu­raı­dy. Jobany iske asyrý úshin 2016 jyly respýblıkalyq bıýd­­jetten 1 119 mıllıon teń­­ge qarastyrylyp, «Araı­stro­ı­­market» JShS merdiger bo­­lyp tanyldy. Kelisimshart kó­lemi 1 828,1 mıllıon teńge. Al ótken jylǵa bólingen qarjy tolyǵymen ıgerildi», deıdi ob­lys­tyq qurylys, jolaýshylar kó­ligi jáne avtomobıl joldary basqarmasynyń basshysy 

Á.Ahataev. Sondaı-aq, basqarma bas­shysy qaıta jańartý jumys­ta­ryn aıaqtaý maqsatynda bıyl oblystyq bıýdjet­ten 709,1 mıllıon teńge bólin­ge­nin de jetkizdi. Búgingi tańda ny­san­nyń qurylys-montaj ju­mystary kúntizbelik jumys­tar­dy oryndaý kestesine sáıkes júr­gizilýde eken. Budan keıin kór­shi Qyrǵyzstanǵa qaraı qa­ty­naıtyn aınalma jol salý da jos­parda bar. Bul óz kezeginde jo­laýshylarǵa jasalǵan jaqsy jaǵ­daı bolyp tabylady. 

Jalpy, atalǵan jol ót­kelin qaı­ta jańartyp, paıda­la­nýǵa be­­rý Taraz qalasy tur­ǵyn­da­ry­nyń qaýipsiz qozǵalýyna ári óńir­degi kólik qozǵalysynyń rettelýine múmkindik beretin bolady. 

Hamıt ESAMAN,
«Egemen Qazaqstan»      
Jambyl oblysy