Saýd Arabııasy Koroldigi 30 joba daıyndaýda

Aýyl sharýashylyǵy vıse-mınıstri Saýd Arabııasy delegasııasyn ulttyq kúnimen quttyqtap, EKSPO-2017 mamandandyrylǵan kórmesine qoldaý tanytyp, belsendi qatysqandary úshin Qazaqstan Úkimeti atynan alǵys bildirdi.   

«Saýd Arabııasy Koroldiginiń pavılonynda usynylǵan tehnologııa­lar halyqaralyq kórmeniń jemisti bolýyna óziniń teńdessiz úlesin qosatynyna senimdimin. Geografııalyq ornalasýy men klımattyq jaǵdaıynyń arqasynda Saýd Arabııasynyń kún, sý jáne jel energııasyn damytýǵa zor áleýeti bar», – dep atap ótti vıse-mınıstr.

Sondaı-aq, ol Qazaqstan men Saýd Arabııasy Koroldiginiń arasyndaǵy qarym-qatynastar dostyq pen ózara tıimdilik negizinde damıtynyna senim bildirdi. Koroldikpen jan-jaqty jáne ózara múddeli yntymaqtastyqty keńeıtý Qazaqstan syrtqy saıasatynyń basty baǵyttarynyń biri bolyp tabylatynyn tilge tıek etti. 

Abdalla ıbn Abdýl-Ázız Ál Saýd atyndaǵy jańartylatyn jáne atomdyq energııa ǵylymı qalashyǵynyń Prezıdenti Doktor Hashim Iаmanı álem elderi bolashaq úshin energııany saqtaý, jańa tehnologııalardy paıdalaný jáne olardy tıimdi qoldaný ádisterin engizý boıynsha birlesip jumys atqarý qajettigin atap ótti. 

Saýd Arabııasy Koroldigi elektr energııa óndirisin kóterý jáne munaıdy qoldaný deńgeıin tómendetý maqsatynda kún men jel energııasy salalarynda 30 jobany ázirlep jatyr. Sondaı-aq, 2040 jylǵa qaraı memleket elektr energııa óndirisi úshin otyn qazbasynyń qoldanysynan bas tartýdy kózdep otyr.

Saýd Arabııa pavılony eldiń álemdegi energetıkalyq tepe-teńdiginiń sapaly jáne qaýipsiz túrlenýiniń múmkindikterin kórsetedi. Pavılonnyń basty taqyryby «Turaqty energııa Koroldigi, bolashaqtaǵy ózgeris» dep atalady.

Saýd Arabııasy Koroldiginiń Ulttyq pavılony memlekettiń álemdegi energetıkalyq balansty sapaly jáne qaýipsiz túrlendirý bo­ıynsha múmkindikterin kór­setedi. Pavılonnyń basty ta­qy­ryby «Turaqty energııa Ko­roldigi, bolashaqtaǵy ózgeris». On­­daǵy ekspozısııalar kórmege kelý­shilerdi memlekettiń máde­nıeti, salt-dástúri jáne tarıhymen tanystyrady. 

Saýd Arabııasy Koroldiginiń pavılony kelesi aımaqtardan turady.

Mura: adamdar meken etken, eń ejelgi órkenıettiń biri retindegi Saýd Arabııasynyń tarıhyn beıneleıdi. Munda Koroldiktiń ıslamdaǵy róli men onyń baı resýrstary da kórinis tapqan. Sońynda jer betindegi eń mańyzdy resýrs – adam kórsetilgen.