«Osy jobalar sheńberinde azamattar negizgi Zańda bekitilgen júginý ınstıtýttary arqyly memlekettik basqarýǵa tikeleı qatysý múmkindigin ıelenedi», – dedi ol.
Osyǵan oraı Astanada jeke jáne zańdy tulǵalardyń júginýlerin qaraýdy uıymdastyrýda júıelilikti qamtamasyz etýge arnalǵan Quqyq qorǵaý qyzmetiniń ortalyǵy (QQO) quryldy. Jyl aıaǵyna deıin ony barlyq oblys ortalyqtarynda ashý josparlanǵan. QQO-nyń negizgi býyny áleýmettik-ekonomıkalyq salalarda azamattardyń júginýlerin, ákimshilik óndiris máselesin, sotqa deıingi tergeý men azamattyq jáne qylmystyq ister boıynsha sot aktilerin qaraýǵa arnalǵan kezekshi prokýrorlardyń jumysyn uıymdastyrý bolyp tabylady. «Elektrondy qylmystyq is» modýlin ázirleý 3 kezeńnen turady. Ol qylmystyq isterdiń barlyq materıaldaryn elektrondy formatta qalyptastyrýǵa múmkindik beredi.
E- qylmystyq is ushqyr jobasy bıyl Jambyl oblysynda iske qosyldy, qyrkúıekte Shyǵys Qazaqstan, Batys Qazaqstan, Ońtústik Qazaqstan jáne Atyraý oblystarynda júzege asyrý kózdelgen. «Elektrondy ákiámshilik is» jobasy hattamany onlaın rejımniń bazasyna málimetterdiń túsýi arqaly elektrondy formatta qurýǵa múmkindik beredi. Mobıldi qosymsha Ádilet mınıstrliginiń bazasymen, IIM-niń avtokólik quraldaryn tirkeý bazasymen jáne komtettiń arnaıy esepter málimetimen birikken. Atalmysh ushqyr joba Astana qalasynyń ishki ister departamentinde jumys isteıdi. Elimizdiń basqa óńirlerinde 2018 jyldan bastap endiriledi. Bul jumys quqyq qorǵaý jáne atqarý júıesine turǵyndardyń senim deńgeıin kóterý maqsatyn kózdeıdi.
«Biz qyzmet kórsetý boıynsha óz jumysymyzdy únemi jetildirip otyrýǵa tıispiz», – dedi oblys ákimi Qumar Aqsaqalov.
Otyrysta tıisti oryn basshylaryna naqty tapsyrmalar berildi.
О́mir Esqalı.
«Egemen Qazaqstan»
Soltústik Qazaqstan oblysy
