Qatysýshylar QDB 2016 jyly engizgen Erte habardar etý júıesimen tanysty. Jańa júıe bank qarjylandyrǵan ınvestısııalyq jobalar men mámilelerdi iske asyrýmen, sondaı-aq bankaralyq nesıeleýge baılanysty paıda bolatyn táýekelderdi ýaqytyly anyqtaýǵa jáne áreket etýge múmkindik beredi.
Semınar jumysyn ashqan QDB basqarma tóraǵasy Bolat Jámishev «ekonomıka men nesıe naryǵyndaǵy aǵymdaǵy ózgeristerge ıkemdi áreket etetin sapaly táýekel menedjmenti Damý bankine qarjylandyrýshy uıym retinde asa mańyzdy mánge ıe» ekenin atap ótti. «Sońǵy úsh jylda Bank táýekel menedjmentiniń «proaktıvti» júıesin qurdy, ol makroekonomıkalyq talyqsytpalardy qosa alǵanda syrtqy ortadaǵy barlyq syn-tegeýrinderge ýaqytyly áreket etýge múmkindik beredi. 2015 jyldyń basynan bastap qoldanylyp kele jatqan nesıe qorjynyn stress-testileý jaqsy mysal bola alady, ol valıýtalyq táýekelderge asa sezimtal jobalardy anyqtaýǵa múmkindik berdi. Bul jobalar boıynsha ýaqytyly jumys Bankke nesıe qorjynynyń sapasyn saqtap qalýǵa kómektesti», – dep basa aıtty B. Jámishev.
QDB-nyń Erte habardar etý júıesi tórt kezeńinen turady: sáıkestendirý, baǵalaý, baqylaý jáne monıtorıng. EHJ Banktiń qandaı da bir kontragenti boıynsha táýekel beıininiń nasharlaýyna ýaqytyly áreket etýdi erte kezeńde qamtamasyz etýge múmkindik beredi. EHJ, halyqaralyq standarttarǵa sáıkes, QDB kontragentterine táýekel-ındıkatorlar negizinde sáıkes márteblerdi berýdi qarastyrady. Táýekel-ındıkatorlardyń mánderi «jasyl» aımaqta bola alady, alaıda nesıeler sapasynyń edáýir nasharlaǵany baıqalsa – «sary» aımaqta bolýy múmkin. Eger táýekel-ındıkatorlar «qyzyl aımaqta» bolsa, qaryz alýshynyń ári qaraıǵy úzdiksiz qyzmetine kúdik paıda bolady, jáne qarjylyq kovenanttardyń buzylýy oryn alady.
24 tamyzda aıaqtalatyn semınar jumysyna ShYU BAB múshe bankterdiń ókilderi qatysty: Qytaıdyń Damý Banki, EJK Banki (Qyrǵyzstannyń Eseptik-jınaqtaý kompanııasy), Reseıdiń Vneshekonombanki, «Amonatbank» (Tájikstan), «Habıb Bank Lımıted» (Pákistan), ShYU BAB seriktes bankteri: Eýrazııalyq damý banki, «ASB Belarýsbank» AAQ jáne Mońǵolııanyń Damý banki, sondaı-aq Armenııa Respýblıkasynyń ÁNU «MSP Investısıı» JAQ ókilderi.
ShYU-ǵa múshe memleketterdiń ýákiletti bankteri arasyndaǵy bankaralyq yntymaqtastyq týraly kelisimge 2005 jylǵy 26 qazanda qol qoıyldy. Búgingi tańda ShYU BAB múshe bankter kelesiler: «Qazaqstannyń Damý Banki» AQ, «Reseı Federasııasynyń Damý jáne syrtqy ekonomıkalyq qyzmet banki (Vneshekonombank)» memlekettik korporasııasy, Qytaıdyń Memlekettik Damý Banki, «Eseptik-Jınaqtaý Kompanııasy» AAQ (Qyrǵyz Respýblıkasy), «Amonatbonk» Tájikstan Respýblıkasynyń Memlekettik jınaýqtaýshy qory jáne О́zbekstan Respýblıkasynyń syrtqy ekonomıkalyq qyzmetiniń Ulttyq Banki. 2017 jylǵy 9 maýsymda «Habıb Bank Lımıted» (Pákistan) men Úndi ınfraqurylymdyq qarjy kompanııasy (Úndistan) uıymnyń tolyq quqyly múshelerine aınaldy.
«Qazaqstannyń Damý Banki» AQ (QDB) – 2001 jyly qurylǵan Qazaqstan ekonomıkasynyń shıkizat emes jáne ınfraqurylym sektoryn jańǵyrtý men damytý jónindegi ulttyq damý ınstıtýty. Qyzmetiniń negizgi baǵyttary: óndiristik ınfraqurylym men óńdeý ónerkásibin damytý, el ekonomıkasyna ishki jáne syrtqy ınvestısııalardy tartý jáne járdemdesý. QDB ındýstrııalyq-ınnovasııalyq damýdyń memlekettik baǵdarlamalarynyń iri ınvestısııalyq operatorlarynyń biri bolyp tabylady. QDB «Báıterek» Ulttyq basqarýshy holdıngi» AQ qurylymyna kiredi.
