«Kaspi Bank 22 tamyz kúni Talǵar qalasyndaǵy bólimshege qaraqshylyq shabýyl jasaýǵa qatysy bar qylmyskerlerdi ustaýǵa kómektesetin mańyzdy aqparat usynǵandarǵa 5 mıllıon teńge syıaqy beredi», dep jazylǵan habarlamada.
Aıta keteıik, keshe Kaspi bank-tiń Almaty oblysynyń Talǵar qalasynda ornalasqan bólimshesine qaraqshylyq shabýyl jasaldy. Beınebaqylaý kamerasynan alynǵan kadrda betine betperde kıgen eki adamnyń ǵımarattyń tóbesinen túskeni kórinedi. Olardyń biri bank qyzmetkerlerin baılap, ekinshisi kassadaǵy aqshany sómkege sala bastaıdy. Qaraqshylardyń qansha aqsha alyp ketkeni ázirge belgisiz.
Banktiń baspasóz qyzmeti málim etkendeı, qaraqshylyq shabýyl kezinde ǵımaratta bank klıentteri bolmaǵan. Bank qyzmetkerleri zardap shekken joq.
«Olar dereý dabyl tetigin basyp, tártip saqshylaryna habar bergen. Qazir oqıǵa ornynda polıseıler jumys istep jatyr. Banktiń qaýipsizdik qyzmeti qylmyskerlerdi anyqtaý úshin barlyq aqparatty berip, tártip saqshylarymen belsendi jumys isteýde. Naqty qansha qarjy tonalǵany anyqtalýda», delingen Kaspi banki baspasóz qyzmetiniń taratqan málimdemesinde.
