«Qazaqstan Respýblıkasy Ulttyq Olımpıadalyq komıteti atynan jáne óz atymnan Sizderdi Parıjde kúres túrlerinen ótip jatqan álem chempıonatynda qol jetkizgen jetistikterińizben quttyqtaımyn. Sizder eńbekqorlyq, tabandylyq pen sheberliktiń arqasynda ulttyq quramanyń qorjynyna eki kúmis medal saldyńyzdar. Aldaǵy ýaqytta taǵy da álemniń iri jarystarynda top jaryp, jankúıerlerdi qýantasyzdar dep senemiz! Sizderge densaýlyq, tabys jáne jańa jeńister tileımin!», deıdi T.Qulybaev.
Tımýr Qulybaev bul sońǵy jyldardaǵy grek-rım, erkin jáne áıelder kúresi Federasııasynyń maqsatty ári belsendi jumysynyń, jattyqtyrýshylar quramy eńbeginiń jemisi ekenin atap ótip, aldaǵy ýaqytta ózge de sport túrlerinen álem chempıonattaryna qatysatyn Qazaqstan qurama komandalaryna sáttilik tiledi.
Aıta keteıik, sońǵy alty jylda Qazaqstan balýandary alǵash ret álem chempıonatynyń fınalyna shyǵyp, eki kúmis medal enshiledi. UOK basshysy álemniń vıse-chempıondary Demeý Jadyraev pen Meırambek Aınaǵulovqa jáne grek-rım kúresinen Qazaqstan ulttyq qurama komandasynyń bas jattyqtyrýshysy Nurym Dúısenovke alǵysyn bildirdi.
