Dzıýdodan qyzdar arasynda Qazaqstan namysyn qorǵap kele jatqan Otgonseseg Galbadrah jazǵy ýnıversıada oıyndarynyń qola júldesin jeńip aldy.
48 keli salmaqtaǵy arýymyz 1/8 fınalda japon qyzy Ýmekıta Maıdan jeńilip qalǵan edi. Budan keıin birinshi jubanysh beldesýinde Galbadrah avstrııalyq Mara Kraftan aılasyn asyrdy. Ekinshi beldesýinde ol fransýz dzıýdoshysy Djessıka Marın Anrıdi utyp, úshinshi belbesýinde polshalyq Ioanna Stankevıchti jeńdi. Al qola júlde úshin ótken kezdesýde Marııa Persıdskaıadan basym túsip, Qazaqstan qorjynyn taǵy bir júldemen tolyqtyrdy.
