Otyrysty ashqan Memlekettik hatshy Qazaqstan Prezıdenti «Bolashaqqa baǵdar: rýhanı jańǵyrý» atty baǵdarlamalyq maqalasynda «sananyń ashyqtyǵyn» basty basymdyqtardyń biri retinde aıqyndap bergenin atap ótti. Gúlshara Ábdiqalyqova «Bolashaq» baǵdarlamasy sananyń ashyqtyǵyn arttyrýǵa septigin tıgizetinin aıtty.
– О́skeleń urpaq álemniń úzdik jetistikterine ashyq ári beıim bolýǵa tıis. Prezıdenttik stıpendııa Qazaqstannyń qazirgi jastary úshin bilim órisin keńeıtýge, álemniń jetekshi joǵary oqý oryndarynda oqýǵa, úzdik tájirıbelik mashyqtardy ıgerýge múmkindik beredi, – dedi Gúlshara Ábdiqalyqova.
Otyrys barysynda Bilim jáne ǵylym mınıstri E.Saǵadıevtiń «Bolashaq» halyqaralyq stıpendııasyn iske asyrý jónindegi normatıvtik quqyqtyq aktilerdi jetildirý týraly esebi tyńdaldy, sondaı-aq «Bolashaq» baǵdarlamasyn iske asyrýǵa qatysty birqatar másele qaraldy.
Komıssııa sheshimimen stıpendııa magıstratýrada jáne doktorantýrada oqýǵa, sonymen qatar álemniń jetekshi ǵylymı ortalyqtarynda taǵylymdamadan ótýge jiberiletin 80 úmitkerge taǵaıyndaldy.
Memlekettik hatshy otyrysty qorytyndylap, «Bolashaq» halyqaralyq stıpendııasyn iske asyrý tetikterin odan ári jetildirý jáne tıimdiligin arttyrý jóninde birqatar tapsyrma berdi.
