Sot qyzmetine О́zbekstan qyzyǵýshylyq tanytty

Kezdesý aıasynda dele­gasııa músheleri óńirdiń ma­man­dan­dyrylǵan sottary­nyń qyzmetimen tanystyry­lyp, olardyń nazaryna el­degi sot júıesiniń aqparattyq kom­mý­nı­kasııalyq tehnologııa­larynyń jumys úlgileri usynyldy. Oń­tús­tik Qazaqstan oblystyq soty­nyń ǵımaratynda ótken sharada Joǵarǵy Sot Tóraǵasy Q.Mámı árip­tesi K.Kamılovty taıaýda ǵana О́zbekstan Respýblıkasy Jo­ǵarǵy Sotynyń Tóraǵasy laýa­zy­myna taǵaıyndalýymen quttyq­tap, alǵashqy kezdesýdiń Shym­kent qalasynda uıym­das­tyrylýynyń mańyzy joǵary ekendigin atap ótti.

Kezdesý barysynda Elbasy bastamashylyq etken Ult jos­parynyń sheńberindegi sot re­for­masynyń negizgi jetistik­teri egjeı-tegjeıli baıandaldy. Sondaı-aq, engizilgen jańa­shyl­dyqtardyń qoldanystaǵy nátı­jelerine jiti kóńil bólinetindigi, sonymen qatar, sot satylaryn ońtaılandyrýdyń arqasynda daý­lardy qaraýdyń eń uzaq merzimi eki esege qysqartylǵany da tilge tıek etildi. Sol sebepten de, búgingi tańda azamat­tyq isterdiń kópshiligi tarap­tardy sotqa shaqyrýsyz jeńil­detilgen óndiris tártibimen qa­ras­tyrylady jáne eldegi qyl­mystyq isterdiń tórtten bir bóligi 10 táýlik merzimge deıin je­ńildetilgen prosedýra boıyn­sha oń sheshimin taýyp jatady.

Oraıy kelgende Q.Mámı bitimgerlik prosedýralar men medıasııany engizýdiń qazaqstandyq tájirıbesine, Halyqaralyq Keńestiń qyzmetine toqtalyp ótti. Osy kúnderi Qazaqstanda elek­trondyq sot tóreligin júzege asyrýǵa erekshe kóńil bólingen. 

Shara aıasynda sottardy reformalaý men elektron­dyq tehnologııalardy engizý boıyn­sha Qazaqstanda atqaryl­ǵan jumystarǵa zor qyzyǵýshylyqtaryn bildirgen О́zbekstan Joǵarǵy Sotynyń Tóraǵasy K.Ka­mılov, áriptesi Q.Mámıdi aǵym­daǵy jyly Tashkent qala­syn­da ótetin ShYU múshe elderi­niń joǵarǵy sot tóraǵalarynyń kezekti Keńesinde eki eldiń joǵar­ǵy sottary arasyndaǵy ynty­maq­tastyq týraly Memorandýmǵa qol qoıýǵa shaqyrdy. Aıta ke­teıik, bul qujat Qazaqstan men О́zbekstan sot organdary ara­syndaǵy qarym-qatynastyń bas­ty baǵyttary men nysandaryn belgileıdi.

Kezdesý aıaqtalǵannan keıin sheteldik delegasııa Q.Mámıdiń tóraǵalyǵymen ótken óńirlerdiń qosylýymen «Elektrondyq sot tóreliginiń ózekti máseleleri» taqyrybymen uıymdastyrylǵan beıne-konferensııaǵa qatysty. Onyń sheńberinde Jambyl oblysyndaǵy «Elektrondyq qylmystyq is» qanatqaqty jo­basyn ótkizý máselesi men Ba­tys Qazaqstan oblysyndaǵy óndi­ristegi isterdi elektrondyq túrde qarastyrý tájirıbesi, sondaı-aq, basqa da birqatar jobalar tal­qylandy.

Nurlybek DOSYBAI,
«Egemen Qazaqstan»