Oral shaharynda aýdan basshysy Janat Asylhanulynyń bastamasymen orta jáne shaǵyn kásipkerlik jetekshileriniń basyn qosýdaǵy maqsat – el bolashaǵy úshin keleli máselelerdi birge, aqyldasa otyryp sheshý, eldi órkendetý belsendiligi isine kásipkerlerdi arttyrýǵa negizdeldi.
– Qaratóbe aýdany aldaǵy jyldarda kásipkerler úshin tıimdi ortalyq bola alady. Ol úshin sizdermen bizder tyǵyz qarym-qatynasta jumystanyp, kásibimizdi bir ortalyqta shoǵyrlandyrýymyz qajet.
Aýdan ekonomıkasyn damytý – barshamyzdyń jumyla kóteretin júgimiz. Ol úshin ár bir azamat bıznesti shaǵyn isterden bastaýy kerek. Endigi qadam osynaý kásip ıeleriniń basyn qosyp, týǵan jerimizdegi shaǵyn jáne orta bıznesti damytý bolmaq, – deıdi aýdan ákimi Janat Asantaev.
Jıyn barysynda aýdandyq kásipkerlik bóliminiń basshysy Nurbol Bozov shaǵyn jáne orta kásipkerlik jetekshilerine aýdandaǵy bos jer telimderiniń, kásipkerlerdiń jaı-kúıi týraly slaıd túrinde qysqasha tanystyryp ótti.
«Omar» jeke kásipkerliginiń jetekshisi Ashat Omar aýdan ortalyǵyna jıhaz kásibin ashpaq nıette ekenin jetkizse, «DEM» mıneraldy sýsyn sehynyń basshysy Serjan Ashyǵalıev aldaǵy ýaqytta shyryn sýsyndaryn óndirip, kásibin keńeıtpek.
– Búgingi bas qosý – úlken istiń bastamasy. Týǵan jerdi kórkeıtip damytý – bizdiń mindetimiz. Aldaǵy ýaqytta aýqymdy túrde kásipkerlerdiń quryltaıyn ótkizip, qanshalyqty kásip kózin ashatyndyǵymyzdy naqty aıqyndap alýymyz qajet, – deıdi «Tájiǵalıev» jeke kásipkerliginiń jetekshisi Jarqyn Tájiǵalıev.
Basqosý barysynda kásipkerlik salasyndaǵy túrli máseleler talqyǵa salynyp, usynys-pikirler tyńdaldy.
Aýdan basshysy qoldaý bildirýge qashanda ázir, eń bastysy kásipkerler naqty sheshim shyǵarsa, óńirimizidiń tasy órge domalaıtyny sózsiz. Kezdesýden aıaýly mekenge degen ystyq yqylas pen týǵan jerge degen janashyrlyq baıqaldy.
Maralbek AMANTAEV
Batys Qazaqstan oblysy,
Qaratóbe aýdany
