Qaladaǵy jylytý qazandyǵy men jelilerdi kúrdeli jóndeýden ótkizýge bir jarym mıllıardtan astam qarjy bólingen bolatyn. Búgingi kúni kózdelgen jóndeý jumystary aıaqtalyp, qarjy tolyǵymen ıgerildi. Qaladaǵy ortalyq jylytý qazandyǵyna qosylǵan áleýmettik nysandar men turǵyn úılerdi qys aılarynda qalypty jylýmen qamtamasyz etýge múmkindikter jasaldy. M.Taǵymov pen M.Jumaǵazıev jóndeý jumystaryna qanaǵattanarlyq baǵa berdi.
Senatorlar sapary Toqpansaı aýyldyq okrýginde jalǵasty. «Toqpansaı» JShS basshysy О́tesin О́tepbergenov aýylda mal sharýashylyǵy kesheni ǵana emes, kúndelikti qajetti azyq-túlik ónimderin shyǵaratyn shaǵyn nysandar jumys isteıtinin habardar etti. Qazir áleýmettik nysandar jóndeýden ótkizilip, jańa maýsymǵa saqadaı saı ázirlendi. Úılerge tabıǵı gaz, aýyz sý kelip tur.
Senat depýtattary osy aýdandaǵy Eset batyr aýylynda turǵyndarmen kezdesip, olardyń usynystary men talap-tilekterin tyńdady. Senatorlar aıtylǵan máselelerdi aýdan jáne oblys basshylyǵyna jetkizip, olardyń tolyq sheshim tabýyn nazarda ustaıtyndaryn aıtty.
Senator Muhtar Jumaǵazıev «Grın Haýs Qazaqstan» jylyjaı kesheninde bolyp, onyń jumysymen tanysty. Jylyjaı kesheni ústimizdegi jyly ǵana paıdalanýǵa berilgen bolatyn. О́ndiris jylyna 6 myń tonna kókónis óndirý qýatyna ıe. Jalpy kólemi 9,5 gektar jylyjaı kesheninde 60 jumys orny ashylyp, oblys halqyn kókónispen tolyq qamtamasyz etýge múmkindik bar.
Senator M.Jumaǵazıev Memlekettik údemeli ındýstrııalyq-ınnovasııalyq damý baǵdarlamasy aıasynda «KazAgroFınans» AQ kómegimen salynǵan jylyjaı kesheniniń óndiristik qýatyn tolyq paıdalana otyryp, oblys halqymen birge shekaralas óńirlerdiń de qajetin óteý múmkindigi mol ekenin atap kórsetti.
M.Jumaǵazıev sonymen qatar konservilengen et ónimderin shyǵaratyn «Aıbek» áleýmettik-kásipkerlik óndiris ornynda kezdesý ótkizdi. Qala men oblys jurtshylyǵyna óz ónimin usynatyn seriktestik az ǵana ýaqyt aralyǵynda tutynýshylar arasynda tanymal bolyp úlgerdi. Kezdesý barysynda senator M.Jumaǵazıev eń ozyq tehnologııalardy engize otyryp, óndiris aýqymyn keńeıtý, soǵan qaraı jumys oryndarynyń sanyn ulǵaıtý qajettigin aıtty.
