Toqaev BUU Bas hatshysynyń orynbasary Erık Solheımdi qabyldady

Parlament joǵarǵy pala­ta­synyń basshysy Qa­zaqstannyń BUU-men yn­­tymaqtastyǵynyń joǵa­ry deńgeıin atap ótip, BUU Qorshaǵan orta jó­nindegi baǵ­dar­la­masynyń As­ta­nadaǵy EKSPO-2017 kór­mesine belsendi qatysqany úshin rızashylyq bildirdi.

«Qazaqstan BUU-nyń maqsat­tary men min­det­terinen esh aıny­maıdy, qa­zirgi zamandaǵy mańyz­dy máselelerdi sheshýdegi Uıym­­nyń basty rólin nyǵaı­týdy jaq­taıdy. Qazaq­stan turaqty emes múshe bolyp saılanǵan BUU-nyń Qaýipsizdik Keńe­si beıbitshilik pen qaýip­siz­dikti saqtaýdyń eń ne­gizgi tetigi bolyp tabylady», dep atap ótti Senat Tóraǵasy.

Júzdesýshiler BUU aıa­synda ekologııalyq qaýip­sizdikti qam­tamasyz etý­degi ortaq kúsh-jiger­di úı­lestirý joldaryna qa­tysty pikir almasty. Klımat óz­geristerimen tıimdi kúres úshin Parıj kelisiminiń negizgi ere­je­lerin oryn-
­daýdyń mańyzdylyǵy atap ótildi. Senat Tór­aǵasy bul qujatty ýaqy­tynda ratı­fıka­sııa­laǵan Qazaqstannyń onyń ere­jelerin iske asyrýǵa qaty­sýǵa ázir ekenin aıtty.

Kezdesý barysynda As­ta­na halyqaralyq qarjy ortaly­ǵy­nyń, «Jasyl» tehnologııa­lar­dy da­mytý jónindegi halyq­­aralyq ortalyqtyń jáne «Bo­la­­shaqtyń energııasy» ın­vestı­sııalyq jobalar aıasynda BUU-men ynty­maq­tastyqtyń kele­shegi talqy­landy. E.Solheım Qazaq­­stannyń «jasyl» eko­no­mıkaǵa kóshý úrdisin qyzý qoldaýǵa nıet bildirdi jáne qorshaǵan ortany qor­­ǵaý máseleleri boıynsha aı­maqtyq yntymaq­tastyqty nyǵaıtý jaıyn qozǵady.

Q.Toqaev IýNEP Hat­shy­ly­ǵy­nyń Almatyda Sýbaımaqtyq bıýrosyn ashý týraly sheshimi úshin alǵys bildirdi. Ol bul qa­lany kóptarapty dıplomatııa úshin aımaqtyq torapqa aı­nal­dyrýǵa yqpal etedi.