Varshava tramvaılary zýlaıtyn kún de alys emes

Jalpy, tramvaısyz oblys ortalyǵyn kózge elestetý de múmkin emes. О́ıtkeni, travmaı qaladaǵy  joǵary suranysqa ıe qoǵamdyq kólik bolyp tabylady. 40 jyldan asa ýaqyt boıy tramvaı  qala turǵyndaryna qyzmet etip keledi. Kúnine myń adamǵa deıin tasymaldaıtyn tramvaı basqarmasynda bul kúnderi 115 tramvaı vagony bar bolsa, onyń 86-sy kúndelikti qozǵalys  baǵyttaryna jiberiledi.  Al, elimiz boıynsha tramvaı Pavlodardan basqa  О́skemende, Almatyda, Temirtaýda bar. Sońǵy kezderi  vagon parki de eskirdi, joldary da tozdy, óz elimizde olardy jasaıtyn zaýyt ta joq, Reseıden jetkiziledi. Al, bir tramvaıdyń quny shamamen 70 mıllıon teńge turatyn kórinedi. Endi mine, osy túıindi másele de sheshilgendeı. О́tken aptada  oblys  orta­ly­ǵynda  oblystyq ákimdiktiń bastamasymen ashylǵan «Qa­zaq­stan-Sibir 2011» halyqaralyq kórmesi sheńberinde «Áleý­met­tik kásipkerlik korporasııasy» ulttyq kompanııasy» AQ-tyń jergilikti ókildigi  Polsha elinen kelgen kásiporyn bas­shy­larymen  kezdesýge múmkindik aldy.  Kezdesý barysynda ke­lis­sózder júrgizilip, ózara yn­tymaqtastyq jóninde memo­ran­dýmǵa qol qoıyldy. Iаǵnı, eki el kásiporyndary qalalyq tramvaı basqarmasynyń tehnıkalyq júı­esin  tolyqtaı modernızasııalaý, jańartý men jańǵyrtý, tramvaı joldaryn jóndeý jáne tramvaı qurastyratyn seh   ashý boı­yn­sha ınnovasııalyq jańa jobany  jú­zege asyrýǵa kelisti. Polsha ta­rapynan memorandýmǵa tórt kompanııa, onyń ishinde Varshava tram­vaı kompanııasy  da bar, basshylary  qol qoıdy. Sóıtip, elaralyq yntymaqtastyq baı­la­nys­tar arqasynda aldaǵy jyl­dary oblys ortalyǵynyń kóshe­le­rinde jańadan salynǵan shoı­yn joldarmen eýropalyq stan­dartqa saı tramvaı va­gondary júretin bolady. Osy memorandýmdarǵa sáı­­kes, «Varshavalyq tramvaı» ká­sip­orny oblys ortalyǵyna jańa zaman tramvaılaryn jetkizedi. Bul – bir. Ekinshiden, eýropa tram­vaı joldarymen  biz­diń joldardyń aıyrmashylyǵy jer men kókteı deıdi. Son­dyqtan, osy  aıyrmashylyqty jaqyn­da­tý úshin  «Pesa Býdgosh» degen kásiporyn «Tınes» degen kompanııamen birlesip oblys ortaly­ǵyn­daǵy tramvaı joldaryn jo­ǵa­r­y stan­dart­tarǵa saı jón­deıtin bolady. Úshinshiden, bul kompanııalar Almatydaǵy metro qurylysyna qatysqan kórinedi. Olaı bola, olar úshin jerdiń betindegi tram­vaı jolyn salyp berý túk emes shyǵar. «Áleý­mettik kásip­kerlik korpora­sııasy» AQ-tyń jergilikti jerdegi  ókil­de­riniń aıtýynsha, ob­lys ortalyǵy úshin qýanyshty  bul istiń jú­zege asýyna Pol­shanyń Ulttyq ekonomıkalyq banki qarjy  berip otyrǵan kó­rinedi. Farıda BYQAI. Pavlodar.