Biz bul elderdiń boksshylaryn teginnen-tegin túgendep otyrǵan joqpyz. О́ıtkeni, álem chempıonatyndaǵy Qazaqstan quramasynyń negizgi qarsylastary osy atalǵan elderdiń sportshylary bolmaq. Sheteldik boks sarapshylarynyń pikirinshe, negizgi aıqas Qazaqstan, Kýba, Fransııa, Reseı, Ýkraına, О́zbekstan jáne Ázerbaıjan boksshylarynyń arasynda ótpek.
Bokstan ulttyq quramamyzdyń bas bapkeri de joǵaryda aty atalǵan elderdiń bylǵary qolǵap sheberleri bizdiń boksshylarǵa laıyqty qarsylyq kórsetetinin aıtady. Sondaı-aq, bapkerlerimiz bıylǵy dodadan tórt-bes medalmen oralýdy josparlap otyr. «Qazaqstandyq boksshylar álem chempıonatynyń tarıhynda eshqashan júldesiz oralǵan emes. Bıyl da osy bıigimizden tómendemesek eken deımiz. Shákirtterim jekpe-jekke jáne kez kelgen qarsylasty jeńýge tolyq daıyn. Menińshe, boksshylarymyz kem degende tórt-bes medal ıelenedi. Onyń ishinde mindetti túrde altyn bolady», – deıdi bas jattyqtyrýshy Myrzaǵalı Aıtjanov.
Altyn medal demekshi, álem birinshiligine 1993 jyldan beri qatysyp kele jatqan Qazaqstan quramasy osy aralyqta 10 altyn medal ıelenipti. Tarqatyp aıtar bolsaq, Bolat Jumádilov 1999 jyly top jarsa, 2003 jyly Galıb Djafarov (57 kg) pen 75 kılodaǵy Gennadıı Golovkın qarsylas shaq keltirmegen. Araǵa eki jyl salyp otandastarymyz taǵy da eki altyn júlde ıelendi. Bul joly Serik Sápıev (64 kg) pen (81 kg) Erdos Jańabergenov úzdik dep tanyldy. 2007 jylǵy dodada Serik Sápıev (64 kg) ekinshi ret álem chempıony atandy. Al 2013 jyly Almatyda ótken álem birinshiliginde otandastarymyz altyn medal jaǵynan rekord ornatyp, tórt birdeı oǵlanymyz jeńis tuǵyrynyń eń bıik satysynan kórindi. Olar – Birjan Jaqyp (49 kg), Mereı Aqshalov (64 kg), Danııar Eleýsinov (69 kg) jáne Jánibek Álimhanuly (75 kg). Álemdik synǵa 12 ret qatysqan ulttyq quramamyz jalpy sany 34 medal ıelenipti. Onyń 10-y altyn, dál sondaı kúmis jáne 14 qola júlde. 2015 jyly Dohada ótken saıysta qazaqstandyq bylǵary qolǵap sheberleri eki kúmispen shektelgen bolatyn.
Sonymen, Gambýrgte 25 tamyz ben 3 qyrkúıek arasynda ótetin álem chempıonatyna Qazaqstan komandasy myna quramda óner kórsetedi: Erjan Jomart (49 kg), Azamat Isaqulov (52 kg), Qaırat Erálıev (56 kg), Ádilet Qurmetov (60 kg), Bekdáýlet Ibragımov (64 kg), Abylaıhan Júsipov (69 kg), Ábilhan Amanqul (75 kg), Erik Áljanov (81 kg), Vasılıı Levıt (91 kg) jáne Qamshybek Qońqabaev (+91 kg).
Eki jyl saıyn álemniń úzdikterin anyqtaıtyn baıraqty básekede el namysyn qorǵaıtyn namysty jigitterimizge sáttilik tileımiz.
Álı BITО́RE,
«Egemen Qazaqstan»
