«Qazirgi tańda QHR kompanııalarymen astyqty, maıly daqyldardy, ósimdik maıyn eksporttaý úshin kelisimsharttarǵa qol qoıylsa, Arab Ámirligi men Iranǵa jasymyq tasý úshin kompanııalarmen kelisimge qol qoıý pysyqtalýda, al Reseı, Izraıl, Gonkong elderiniń kompanııalarymen kúnbaǵys tuqymyn, qatty bıdaı, un, noqat, burshaq, qoı etin tasymaldaý úshin kelisózder júrgizilýde. Qytaı naryǵyna sıyr, shoshqa etterin, sút, qus ónimderin, tiri janýarlar, sonyń ishinde jylqylardy shyǵarý josparlanýda», - dedi QR Premer-Mınıstriniń orynbasary - Aýyl sharýashylyǵy mınıstri Asqar Myrzahmetov.
Onyń sózine qaraǵanda, QR Aýyl sharýashylyǵy mınıstrligi Syrtqy ister mınıstrligimen birlese otyryp, Izraıl, Kýveıt memlketteriniń veterınaralyq qyzmetimen qoı etin jetkizý joldaryn, sondaı-aq Malaızııa, Japonııa, Ońtústik Koreıa, Eýropalyq Odaq memleketterine qurǵaq bıe sútin eksporttaý máselesi boıynsha kelissózder júrgizilýde.
«О́zderińiz bilesizder, Qazaqstan memlekettik retteý men ınvestorlardy qoldaý salasynda ońtaıly nátıjelerge qol jetkizdi. Osy oraıda TMD elderi arasynda ınvestısııalyq qyzmetti iske asyrýda qolaıly jaǵdaılar usynatyn kóshbasshylardyń biri bolyp otyr. Qazaqstanǵa ınvestısııa salǵanda, sizderde Qytaıdyń, Reseıdiń, sondaı-aq EAEO-nyń aýqymdy naryǵyna kirýge múmkindik týady.
Sonymen qatar, búgingi tańda mınıstrlik eksport saıasatyn maqsatty túrde júzege asyrý jumystaryn júrgizýde. Osyǵan oraı, jańa eksporttyq arnalardy quratyn, al jumys istep turǵandardy keńeıtetin, iri eksporttyq partııalardy qalyptastyratyn AО́K eksport ortalyǵy quryldy», - dep toqtaldy mınıstr.
Aıta keteıik, agroónerkásiptik ınvestısııalyq forýmǵa álemniń 18 elinen shamamen 200-den astam ókil qatysýda. Onyń ishinde iri sheteldik ınvestısııalyq qorlar men qarjy uıymdarynyń shamamen 40 ókili, qazaqstandyq jáne sheteldik agrobıznestiń múddeli ókilderiniń keńeıtilgen toby bar.
