Kezdesý barysynda qazaqstandyq tatarlar mártebeli meımanǵa óńirde tatar tili men mádenıetin damytý boıynsha atqarylyp jatqan jumystar jaıynda aıtyp, reti kelgende kókeıdegi saýaldaryn da qoıdy. Solardyń biri - qazaq halyqynyń dúl-dúl aqyndary Birjan sal men aqyn Sara aıtysynyń Tatarstan arhıvindegi nusqasyn alý týraly edi. Máseleni Tatarstan prezıdenti sol jerde sheship, Almaty oblysynyń ákimi Amandyq Batalovtyń qolyna arhıvte saqtaýly turǵan aıtystyń elektrondyq nusqasy men kitabyn tapsyrdy. Kópshilik tarapynan qoıylǵan usynystyń taǵy biri - Qazannyń bir kóshesine Jetisý ataýyn, sondaı-aq oblys ortalyǵy Taldyqorǵan qalasynyń bir kóshesine Qazan ataýyn berý týraly bolǵan. Bul jaıtqa baılanysty Tatar basshysy da óz oıyn bildirdi.
«Astana men Qazan arasynda osyndaı dostyq peıildegi yntymaqtastyq bar. Bul óte jaqsy bastama biz Ony endi Almaty oblysymen de jalǵastyrýǵa nıettimiz. Aqyldasyp, mán-jaıdy talqylap alaıyq. Sizdiń usynysyńyz mindetti túrde qoldaý tabatyn bolady»,- dep jaýap berdi.
Aıta ketelik, keshe keshkisin Taldyqorǵanǵa kelgen Tatarstan prezıdenti búgin tańmen Almaty oblysy ákimimen resmı kezdesý ótkizip, yntymaqtastyq máselelerin talqylaǵan bolatyn. Al bul jıynǵa deıin óńirde atqarylyp jatqan úlken jobalar týraly arnaıy kórmeni tamashalady. Taldyqorǵan qalasynda atqarlyp jatqan jumystarmen tanysty. Tatarstan respýblıkasynyń Prezıdenti Rýstam Mınnıhanovtyń Jetisý jerindegi is sapary «Qorǵas» ShYHO jalǵasady.
