Kásipkerlik – el damýyna qosylatyn qomaqty úles

Keshe oblys ortalyǵynda «Bıznestiń jol karta­sy-­­ 2020» baǵdarlamasyna qa­ty­sýshylarǵa arnalǵan keńes bolyp ótti. Alqaly jıynǵa elimiz Premer-Mınıstriniń orynbasary Erbol Oryn­baev, Ekonomıkalyq damý jáne saýda mınıstri Qaırat Kelimbetov, oblys ákimi Ba­qyt­jan Saǵyntaev, «Damý» kásipkerlikti damytý qory» AQ basqarma tóraıymy Láz­zat Ibragımova qatysty. «Bıznestiń jol kartasy-­ 2020» baǵdarlamasyna qatysý­shy­­larǵa arnalǵan keńes ju­my­syna sondaı-aq «Damý qarjy­lan­dyrý qory» bıznesti damytý komıtetiniń, bıznes qaýymdasty­ǵy­nyń ókilderi jınaldy. Ob­lysqa kelgen meımandar al­dy­men oblys ortalyǵynda birqatar óndiris oryndarynyń jumy­sy­men tanysty. Kelesi kezekte «Astana» muz saraıynda ashyl­ǵan elimizdiń ár jerinen kelgen taýar óndirýshilerdiń kórmesine qatysty. Jalpy, «Bız­nes­tiń jol kartasy-2020» baǵdar­la­masynyń qurylǵanyna bir ja­rym jyldaı ýaqyt ótti. Baǵdar­la­ma negizinen tórt kezeńnen turady. Olarda bıznestiń shıkizatty sektordan ózge baǵyttarda damýyna úlken múmkindik berilip otyr. Al, osy jıyn bıznes pen memlekettik organdardyń «Bıznestiń jol kartasy-2020» baǵdarlamasyn iske asyrý boıynsha ózara is-qı­mylyn úılestirý jónindegi máse­le­lerdi talqylaýǵa arnaldy. Baǵ­dar­lama Elbasy Joldaýyn jáne elimizdiń 2020 jylǵa deıingi Stra­te­gııalyq damý josparyn iske asy­rý úshin ázirlengeni belgili. Qujat 2014 jylǵa deıingi memlekettiń úde­meli ındýstrııalyq-ınnova­sııa­lyq damý baǵdarlamasyn iske asy­rý tetikteriniń biri bolyp taby­la­dy. Iаǵnı, ekonomıkanyń shıki­zat­tyq emes sektorlaryndaǵy óńirlik kásipkerliktiń turaqty ósýin qam­tamasyz etýge, sonymen qatar, bar jumys oryndaryn saqtap, turaqty jumys isteıtin jańa jumys oryn­daryn qurýǵa arnalǵan. Baǵdarlamaǵa qatysqan 135 ká­sip­oryn óz jetistikterin kórsetýge ákelipti. Bul kásiporyndardyń qa­tarynda kezinde toqtap qalyp, keıinnen osy baǵdarlamanyń arqa­syn­da isteri alǵa basqandary da bar. Keńeske Ekonomıkalyq damý jáne saýda mınıstri Qaırat Kelimbetov tóraǵalyq etti. Mınıstr óz sózinde elimizdegi shaǵyn jáne orta bızneske memlekettiń jol ashqan baǵyttaryn atap ótti. Kelesi kezekte mamandar tapshylyǵyn joıý, bir jarym jyl ishinde elimizdiń myń­daǵan kásipkerine óz isterin damy­týǵa jol ashqan baǵdarlamanyń tıimdi tustaryn talqyǵa sala oty­ryp, bolashaqta damytý joldaryna toqtaldy. Iаǵnı, mamandardy shet elderde oqytyp, olardyń kásibı biliktilikterin arttyrýǵa jaǵdaı jasaý basty basymdyqtardyń biri bolyp tabylady. Jalpy, «Bız­nes­tiń jol kartasy-2020» elimizdiń ekonomıkasyn órkendetýge tolyq múmkindik berip otyr. Bul jańa jumys oryndarynyń kóbeıýimen qa­tar, el qazynasyn toltyrýǵa, jaq­sy ómir súrýge de oń yqpal etedi. Bul baǵdarlamanyń maqsaty belgili, ol – jańa jumys oryn­da­ryn quryp, salyq túsimin arttyrý, dedi óz sózinde Premer-Mınıstr­diń orynbasary Erbol Orynbaev. Keńeste sondaı-aq bıznes bastama­lar­dy qoldaý, memleket tarapynan bıznes-áriptestik ornatý jaıy sóz boldy. Máselen óńirlerde, onyń ishinde Pavlodar oblysynda shaǵyn jáne orta bıznesti damytýǵa jaq­sy jaǵdaı jasalǵan. Bul jaıly oblys ákimi Baqytjan Saǵyntaev aı­typ ótti. Al Qaırat Kelim­be­tov­tiń aıtýynsha, jalpy «Bıznestiń jol kartasy-2020» baǵdarlamasy qarjy daǵdarysyna qarsy turýǵa arnalǵan baǵdarlama bolyp tabylady. Bir jarym jyldyq merzimdi qamtýǵa arnalǵan keńes sońynda «Atameken» ulttyq-ekonomıkalyq palatasynyń tóraǵasy Abylaı Myr­zahmetov pen Ekonomıkalyq damý jáne saýda mınıstrliginiń ká­sip­kerlikti qoldaý komıtetiniń tór­aǵa­sy Qaırat Aıtkenov áriptestik qarym-qatynas ornatý týraly ortaq memorandýmǵa qol qoıdy. Farıda BYQAI. Pavlodar.