Shırek ǵasyr ishinde eki el arasyndaǵy dostyq pen yntymaqtastyq boıynsha ózara is-qımyldy damytýdyń jáne nyǵaıtýdyń berik irgetasy qalandy: ekijaqty baılanystar damýda, elderdiń syrtqy saıası jáne beıindi vedomstvolary arasyndaǵy yntymaqtastyq nyǵaıýda, sharttyq-quqyqtyq baza keńeıýde.
Osy jyldary joǵary deńgeıdegi turaqty kezdesýler negizin salǵan ekijaqty qarym-qatynastar jańa sapaly deńgeıge ótti. Táýelsizdik jyldarynda Qazaqstan Prezıdenti N.Á.Nazarbaev Belgııaǵa 8 ret saparmen bardy. 2010 jylǵy qazanda iri iskerlik mıssııanyń basshysy retinde murager prıns Belgııa Koroli Fılıpptiń Qazaqstanǵa jasaǵan resmı sapary saýda-ekonomıkalyq yntymaqtastyqtyń ártaraptanýyna jáne keńeıýine qosymsha serpin berdi.
Astana jáne Brıýssel terrorızmmen kúres, ıadrolyq qarýsyzdaný jáne taratpaý sekildi negizgi máselelerde uqsas ustanymdarǵa ıe. «О́limnen de kúshti» atty Semeıdegi memorıaldyq negizinde qazaqstandyq músinshilermen jasalǵan Iаdrolyq synaqtardyń qurbandaryna arnalǵan monýmenttiń belgııanyń Ipr qalasyna qoıylýy osyǵan dálel bola alady. Sondaı-aq taraptar ıadrolyq energetıkany beıbit paıdalaný salasynda yntymaqtastyqty damytýda.
Eki el arasyndaǵy saýda-ekonomıkalyq qatynastar oń serpinge ıe. 2010 jyldan bastap 200-den astam belgııalyq kompanııalardyń ókilderi Qazaqstanǵa bıznes mıssııalarmen keldi. Qazaqstanda belgııalyq kapıtaldyń qatysýmen 60 astam kompanııa jumys isteýde. Sońǵy on jyldyń ishinde QR-ǵa salynǵan belgııalyq tikeleı ınvestısııalardyń kólemi 5,4 mlrd. AQSh doll. asty.
Qazaqstan Belgııamen jan-jaqty yntymaqtastyqty odan ári nyǵaıtýǵa jáne damytýǵa nıetti.
