Áleýmettik jeliniń qoldanýshylary korporasııa basshysynyń qaltasynda iPhone 8 tur dep boljaýda. Bul týraly The Verge saıty habarlaıdy. Sýret arqyly jańa qurylǵynyń ereksheligi bilinbeıdi. Smartfonnyń tiktórtburyshty formasy men kólemi ǵana baıqalady.
2017 jyldyń 17 maýsymynda «Makdonaldstyń» aýstralııalyq bólimi óziniń qosymshasynyń jarnamasyn jańa iPhone-nyń sýretimen taratyp jibergeni habarlanǵan bolatyn. Insaıder Venıamın Geskınniń aıtýy boıynsha, «Makdonalds» bul sýretterdi sybystarǵa súıenip jasaǵan.
Al 15 maýsymda ǵalamtorda Foxconn zaýytynan iPhone 8 qurastyrylyp jatqan vıdeo jarııalandy.
Vıdeo jasyryn túsirilgen, sol sebepti sapasy tómen. Biraq smartfonnyń artqy paneli ınsaıderler buryn jarııalaǵan sýretterine óte uqsas keledi.
iPhone 8 smartfonyn 2017 jyly kúzde Apple kompanııasynyń kórsetiliminde tanystyrady. Boljamdar boıynsha qurylǵy saýsaq izi skaneriniń ornyna qoldanýshynyń betin skanerleıtin fýnksııa paıda bolady. Sonymen qatar, The Verge habarlaýynsha jańa qurylǵynyń quny $999 bolady.
