Atalǵan jobanyń ádil qazylar alqasy quramynda Májilis depýtaty – Qazaqstan Respýblıkasynyń Balalardyń quqyqtaryn qorǵaý isteri boıynsha ókili – Zaǵıpa Balıeva, «Ǵylymı-medısınalyq qoǵam» Qoǵamdyq birlestiginiń tóraıymy Sýrııa Esentaeva, Qazaqstan Respýblıkasy Densaýlyq mınıstrliginiń Qoǵamdyq densaýlyq saqtaý Komıtetiniń Sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵynyń bas dırektory Erkin Dúrimbetov, Qazaqstan Respýblıkasyndaǵy Pfizer Export B.V. kompanııasynyń vaksına departamentiniń meńgerýshisi Shýkaeva Ásel, Qazaqstan sýretshiler odaǵynyń múshesi, sýretshi Marat Bekeev, mýzykalyq prodıýser, mýzykant Nurlan Qarajigitov, prodıýser, telejúrgizýshi Serik Aqyshev boldy.
«О́z densaýlyǵyńa qamqor bolý – bul balalardy erte jastan tárbıeleýge qajetti mádenıettiń, ómir saltymyzdyń bir bóligi. Bul jobany óte jaqsy bastaý dep qarastyrýǵa bolady. Biz úlken azamattyq erlikke umtylyp, turǵyndar arasynda medısınalyq saýattylyqty kóterý baǵytynda belsendi jumys isteýimiz kerek jáne aǵartý-áleýmettik jobalaryna Qazaqstannyń bolashaǵyna janashyr adamdardyń barlyǵyn qatystyrý kerek», dedi Májilis depýtaty Zaǵıpa Balıeva.
Konkýrsqa 3-8 jas aralyǵyndaǵy balalar qatysty. Atalǵan ertegi jáne konkýrs sharttary aldyn ala www.konkurs.nmo.kz saıtynda jarııalanǵan edi. Balalar usynylǵan bes taqyryptyń bireýin tańdap óz óner týyndysyn elektrondyq mekenjaıǵa jiberý múmkindigine ıe boldy. Sonymen qatar, konkýrs aıasynda Almaty, Astana, Aqtaý, Qaraǵandy, Shymkent qalalarynyń iri saýda ortalyqtarynda sýret salýǵa arnalǵan balalar alańdary uıymdastyryldy.
Ertegi kitap 2017 jyly 17-18 qarashasynda Almaty qalasynda ótetin «Sený jáne ómir súrý» áleýmettik-medısına forýmy jumysynyń aıasynda kópshilikke tanystyrylady.
Qazirgi ýaqytta baıqaýdyń uıymdastyrýshylary ertegi kitapty emhanalar jáne kitaphanalarda tegin taratý jumystaryn uıymdastyryp jatyr.
Baǵashar TURSYNBAIULY,
«Egemen Qazaqstan»
