Derekter ótkennen syr shertedi

Elordadaǵy Ulttyq akademııalyq kitaphanada Táýelsizdiktiń 20 jyldy­ǵy­na arnalǵan «Táýel­siz­dik týy astynda» degen taqyrypta tarıhı-derekti kórmeniń ashylý rásimi bolyp ótti. Elimizdiń ny­ǵaıýy jolyndaǵy qabyl­dan­ǵan keń aýqymdy qu­jattar men fotolar ót­ke­nimizden syr shertedi. Atalǵan kórme Syrtqy ister mınıstrligi, Prezıdent muraǵa­ty men Ulttyq aka­de­mııalyq kitaphana uıytqy­sy­men ótkizilip otyr. Kórmege Pre­zıdent Ákim­shi­liginiń ókil­deri, Senat pen Má­jilis depý­tattary, qoǵam qaı­ratkerleri, tanymal qalam­ger­ler, dıplomatııa ardagerleri men Asta­na­daǵy shet elderdiń dıplo­ma­tııa­lyq ókildikteriniń qyzmet­kerleri qatysty. Jınalǵan qaýymnyń al­dy­na shyǵyp sóz sóılegen elimiz syrt­qy saıasat vedomstvosy­nyń bas­shy­sy Erjan Qazy­ha­nov ulttyq memlekettigimiz ben syrtqy saıa­sa­tymyzdyń negizin qalaǵan Tuń­ǵysh Prezıdent Nursultan Ábishuly Nazarbaev kóshbas­shy­lyǵynyń arqasynda táýelsiz­di­gi­mizdiń 20 jyly ishin­de otan­dyq dıplomatııa ha­lyqaralyq sahnada úlken ta­bys­tarǵa qol jetkizgendigin erek­she aıtty. Mınıstr Qazaq­stan­nyń shet eldermen ynty­maq­tastyqqa ashyq­tyǵynyń as­tarynda baı tarı­hymyz ben kóne dástúrimizdiń jáne onyń biregeı jaǵrafııalyq ornala­sýy­nyń jatqandyǵyn atap kór­setti. «Táýelsizdigi­miz­diń, El­basymyzdyń kóregen syrtqy saıasatynyń arqasynda búgin álem úshin Qazaqstan ashyq, al Qazaqstan úshin álem ashyq», dedi mınıstr. Kórme 542 qujat pen fotosýretterdi biriktiretin 6 bólimnen turady. Onyń birinshi bóliginde elimiz egemendigin alǵash alǵan jyl­dar qamtylǵan. Munda Memlekettik nyshandar, Qazaqstan halqy As­sambleıasy, Qazaqstan Konstı­tý­sııa­sy (1995 jylǵy) Prezıdenttiń Anty, sondaı-aq ulttyq valıýtanyń engizilýi, astana týraly Prezı­dent­tiń jarlyqtary kópshilik nazaryna usynylypty. Memleketaralyq qa­tynastardyń quqyqtyq negizderi­niń qalyptasýy bóliginde Prezı­denttiń memleket basshylarymen suhbattarynyń jazbalary, senim gramotalary, el SIM-iniń syrtqy saıa­sat máseleler jónindegi Elba­sy­nyń qatysqan májilisteriniń qujattary men ózge de derekti málimetter usynylǵan. Sondaı-aq kórmeden elimizdiń halyqaralyq qoǵamdastyqpen yn­ty­maqtastyǵy men yqpaldasty­ǵy­nyń qyrlaryn aıǵaqtaıtyn jáıt­terden, óner, mádenıet pen sport, ǵylym jáne tehnıka, ǵaryshty ıgerý salalaryndaǵy syrtqy saıası dıplomatııasy jóninen mol maǵ­lumat alýǵa bolady. Syrtqy eko­no­mıkalyq dıplomatııa bóliginde Pre­zıdent Nursultan Nazarbaev­tyń AQSh-tyń Nıý-Iork qala­syn­da ótken «Jańa ınvestısııalyq múm­kindikter» konferensııasynyń ashylýynda jáne Kongreste sóıle­gen sózderiniń mátini qoıylypty. Syrtqy saıası yntymaqtastyq bóli­ginde, mysaly, Birikken Ulttar Uıy­myna qatysty kóptegen qu­jattar men fotosýretter qattaýly tur. Elbasynyń BUU Bas Assam­bleıasynyń 55-shi sessııasynda sóı­le­gen sózi mátininiń óz qolymen túzetken nusqasy da osynda. Sýretter ótkennen syr shertedi demekshi, Elbasynyń 2001 jyldyń 23 qyrkúıeginde Rım katolık shir­keýiniń basshysy Ioann Pavel II-ni qarsy alǵan sáti de utymdy berilgen. Batys pen Shyǵys arasyn ja­qyndata bilgen Ioann Pavel II-niń Qazaqstanǵa jasaǵan sapary elimizdi Batys órkenıetine jaqsy jaǵynan kórsetkenin oryndy aıta ketken jón. Erjan Qazyhanov atap ótken­deı, Qazaqstandy Batys ta, Shyǵys ta senimdi jáne jaýapty áriptes retinde tanıdy. Elimizdiń EQYU-nyń jańa myń­jyldyqtaǵy birinshi sammıtin ót­kizýi, Islam Yntymaqtastyǵy Uıy­myn­daǵy sátti qadamdary da el be­deliniń artýyna ıgi yqpalyn tıgizýde. Osy oraıda elimiz Syrtqy ister mınıstrligi táýelsizdiktiń 20 jyl­dyǵyna oraı Ulttyq akademııalyq kitaphana qoryna Elbasy qala­my­nan shyqqan jáne Elbasy týraly ja­zylǵan shet elderdiń ondaǵan tilderinde jaryq kórgen kitaptar top­tamasyn syıǵa tartqandyǵyn aıta ketý kerek. Asqar TURAPBAIULY.