Búginge deıin basqarma mamandary aýdanaralyq turaqty baǵyttarǵa qyzmet kórsetetin 354 (75%) shaǵyn avtobýsqa osynaý belgilerdi ornatyp úlgerdi. Aıtýlarynsha, bul jańalyq óńirdegi zańsyz tasymal qatynasyn jáne sonyń kesirinen bolatyn jol-kólik oqıǵalaryn aıtarlyqtaı azaıtýǵa múmkindik beredi. О́ıtkeni arnaıy belgisi bar kólikterge baǵyttarǵa shyǵar aldynda kúndelikti joldama berilse, bul qujat kólik pen ony júrgizýshiniń tıisti tekserýlerden ótkendigin, jolaýshylar úshin bul shaǵyn avtobýstar qaýipsiz ekendigin aıǵaqtaıdy.
Búgingi tańda oblystaǵy barlyq avtovokzaldarda jolaýshylardy zańdy tasymaldaýshy kólikterge otyryp qatynaý boıynsha úgit-nasıhat jumystary qyzý júrgizilýde. О́ńir turǵyndaryna zańdy jáne zańsyz tasymaldaýdyń aıyrmashylyǵy kórsetilip, tek zańdy tasymaldaý qyzmetin paıdalaný qajettiligi túsindirilip jatyr.
Mamandardyń zertteýlerinshe, avtobýstardyń (shaǵyn avtobýstardyń) qatysýymen oryn alatyn jol-kólik oqıǵalarynyń 90%-y zańsyz jolaýshylar tasymalyna tıesili eken.
Zańsyz jolaýshylar tasymalymen aınalysatyn avtobýstar (shaǵyn avtobýstar) reıs aldyndaǵy tehnıkalyq baıqaýdan, júrgizýshileri reıs aldyndaǵy medısınalyq tekserilýden ótpeıtindikten adam ómiri men densaýlyǵyna úlken qaýip tónýde deıdi olar.
Aıta ketý kerek, búginde aımaqta jolaýshylar tasymaldaý qyzmetin jeke menshik nysandaǵy 62 tasymaldaýshy jergilikti atqarýshy organdarmen túzilgen kelisim sharttar negizinde 2724 avtobýs (shaǵyn avtobýs) kórsetedi. Oblystaǵy barlyq jolaýshy tasymaldaý baǵyttar jelisi búgingi kúni 392 baǵyttaǵy 2266 kesteden turady.
