Qazaqstannyń «Batyroff», «Yurframe», «Nagimuwaa», «HaHa_Show» sekildi belgili vaınerleri 5 atalym boıynsha aldyn ala berilgen taqyryptarda óz jumystaryn (vaındaryn) usyndy. Festıvaldiń ashylýyna Astana qalasy ákiminiń orynbasary Ermek Amanshaev qatysty.
«Biz «Astana Vine Fest 2017» vaınerlerdiń alǵashqy festıvali qyzyqty jastar jobalary ishinde óz oryndaryn alatynyna sengimiz keledi. Astana qalasy ákimdiginiń atynan festıvaldiń barlyq qatysýshylaryna alǵys bildiremin. Búgin biz úlken kreatıvti jumystardyń kýágeri bolyp, laıyqty qatysýshylar jeńimpaz atanady dep oılaımyn», - dedi festıvalge qatysýshylar men qonaqtarǵa Ermek Amanshaev.
Birinshi vaınerler festıvaliniń ártúrli nomınasııalar boıynsha jeńimpazy atandy: T_Jokers - «Jyldyń úzdik rolıgi», Meirzhan_Bas_Production - «Úzdik er róli», Nagimuwaa- «Úzdik áıel róli», Azimakula - «Úzdik epızodtyq ról», Togy_Dell -«Halyq tańdaýy». Festıval jeńimpazdaryna estelik syılyqtar men 300 myń teńge kóleminde festıval demeýshilerinen aqshalaı júldeler tabystaldy.
«Bizdiń festıval mýltıplıkatıvtik áser beredi dep oılaımyz. Sebebi elimizdiń úzdik vaınerler men blogerleriniń jalpy jazylýshylar aýdıtorııasy 10 mln adamnan asady. Negizinen onyń basym bóligi - jastar. Sondyqtan biz mańyzdy «Rýhanı jańǵyrý» baǵdarlamasyn jastarǵa barynshy túsinikti etip jetkizgimiz keldi. Maqsatymyz - óskeleń urpaqqa memleket basshysynyń elimizde júzege asyryp jatqan jańa ıdeıalary men bastamalaryn túsindirý boldy», - deıdi Astana qalasynyń jastar saıasaty máseleleri jónindegi basqarma basshysy Ashat Oralov.
