Aksııa maqsaty – turmys jaǵynan az qamtylǵan jáne kóp balaly otbasylar, jetim balalar men ata-anasynyń qamqorlyǵynsyz qalǵan, múmkindigi shekteýli balalarǵa jańa oqý jylyna daıyndalýǵa kómek berý. Semeıdegi №3 mektep dırektory Nurjan Ahmetqalıev te osynaý qaıyrymdylyq aksııasyna ujymymen birge belsene atsalysýda. О́ıtkeni, «Barlyq jaqsylyq balalarǵa!» ekendigin umytpaǵan jón. Elbasynyń tapsyrmasymen oqýshylardyń tolyq bilim alýyna yqpal etý basty mindet.
-Bul aksııanyń bastalǵanyna bir aı ótti, kóptegen oqýshylar kıim-keshek pen qural-jabdyqtarmen qamtylyp, qýanyp jatyr,-dedi dırektordyń tərbıe isi jónindegi orynbasary Gúlmıra Seıthanova,- Bıylǵy aksııa 1 tamyzdan 30 qyrkúıekke deıin «Meniń tańdaýym – balalarǵa kómek kórsetý!» uranymen ótedi. Eki aıǵa sozylatyn aýqymdy sharanyń aıasynda áleýmettik jaǵdaıy tómen otbasylar men qaraýsyz qalǵan balalardy mektepke daıyndap, qajetti qural-jabdyqtaryn alyp berýimiz kerek. «Mektepke jol» aksııasy kezinde eshbir negizsiz mektepke barmaı júrgen mektep jasyndaǵy balalardy anyqtaý da qolǵa alynady. Ol úshin mektepterge bekitilgen shaǵyn ýchaskelerdegi úılerdi aralap, az qamtylǵan otbasylarǵa kómek kórsetý úshin memlekettik organdardyń, bıznes qurylymdardyń ókilderin, mesenattar men demeýshilerdi bekitý sharalaryn uıymdastyrý josparlanýda.
-Jańa oqý jyly qarsańynda osyndaı materıaldyq qoldaý kórsetip jatqan №3 mektep ujymyna alǵysym sheksiz,-dedi kóp balaly ata-ana Aınur Nurtaıqyzy,- osyndaı qaıyrymdylyq is-sharalar barlyq muqtaj jandarǵa zor kómek bolary sózsiz. Mektep ujymyna úlken rahmetimdi aıtamyn.
Raýshan Nuǵmanbekova
Semeı
Cýretter avtordyki
