Qazaqstan Respýblıkasy Úkimetiniń qaýlysy №1082

2011 jylǵy 21 qyrkúıek,   Astana, Úkimet Úıi Jeke jáne zańdy tulǵalardyń qorǵanys muqtajy úshin rekvızısııalanǵan, sondaı-aq berilgen múlkiniń qunyn memlekettiń óteý qaǵıdasyn bekitý týraly «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 52-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Jeke jáne zańdy tulǵalardyń qorǵanys muqtajy úshin rekvızısııalanǵan, sondaı-aq berilgen múlkiniń qunyn memlekettiń óteý qaǵıdasy bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2011 jylǵy 21 qyrkúıektegi №1082 qaýlysymen bekitilgen Jeke jáne zańdy tulǵalardyń qorǵanys muqtajy úshin rekvızısııalanǵan, sondaı-aq berilgen múlkiniń qunyn memlekettiń óteý qaǵıdasy 1. Jalpy erejeler 1. Osy Qaǵıda «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 52-babynyń 3-tarmaǵyna sáıkes ázirlendi ári jeke jáne zańdy tulǵalardyń qorǵanys muqtajy úshin rekvızısııalanǵan, sondaı-aq berilgen (budan ári – rekvızısııalanǵan) múlkiniń qunyn memlekettiń óteý tártibin aıqyndaıdy. 2. Jeke jáne zańdy tulǵalardyń qorǵanys muqtajy úshin rekvızısııalanǵan múlkiniń qunyn memlekettiń óteý tártibi 2. Qorǵanys muqtajy úshin rekvızısııalanǵan múliktiń qunyn óteý Qazaqstan Respýblıkasynyń Bıýdjet kodeksine sáıkes bıýdjet qarajatynan tólenedi. О́temdi tóleý aqshalaı nysanda Qazaqstan Respýblıkasynyń ulttyq valıýtasymen júrgiziledi. 3. Múliktiń menshik ıesi nemese onyń ýákiletti adamy esep tártibin kórsete otyryp, qorǵanys muqtajy úshin rekvızısııalanǵan múlik qunyn óteýge ótinish beredi. 4. Menshik ıesi nemese onyń ýákiletti ókili rekvızısııalanǵan múliktiń qunyn óteý mólsherimen kelispegen jaǵdaıda ony sot tártibimen daýlaýǵa quqyly. 5. Rekvızısııalanǵan múlik ıeleriniń ótinishterin jınaý úshin jergilikti áskerı basqarý organdarynda, áskerı bólimderde, jergilikti atqarýshy organdarda jıyn pýnktteri qurylady, olar aqshalaı qarajat bólýge ótinimdi Shtabtar bastyqtary komıtetine joldaıdy. 6. О́tinimge mynadaı qujattar qosa beriledi: 1) menshik ıesiniń nemese onyń ýákiletti adamynyń ótinishi; 2) rekvızısııalaý týraly akt; 3) zańdy kúshine engen sot sheshimi (bar bolǵan kezde). 7. Jergilikti áskerı basqarý organdarynyń, áskerı bólimder komandırleriniń (mekemeler bastyqtarynyń), jergilikti atqarýshy organdardyń ótinimderi negizinde Shtabtar bastyqtary komıteti jeke qarjylandyrý josparyn ózgertýge arnalǵan jıyntyq ótinimdi jasaıdy jáne bıýdjetti atqarý jónindegi ýákiletti organǵa joldaıdy. 8. Rekvızısııalanǵan múlik qunyn óteý jergilikti áskerı basqarý organdary, áskerı bólimderdiń komandırleri (mekemelerdiń bastyqtary) arqyly júrgiziledi, olar rekvızısııalanǵan múliktiń menshik ıesiniń aqsha qarajatyn onyń ótinishinde nemese sot sheshiminde kórsetilgen shotqa qarajatty aýdarý jolymen alýyn nemese qolma-qol aqsha berýdi uıymdastyrady. 9. Rekvızısııalanǵan múliktiń menshik ıesi qaıtys bolǵan jaǵdaıda múlik qunyn óteýdi alýǵa quqyq Qazaqstan Respýblıkasynyń Azamattyq kodeksine sáıkes mırasqorlyq boıynsha beriledi.