Senat depýtattary óńirde kezdesýler ótkizdi

Senatorlar Eskeldi aýdanynda bolǵan kezde «Hılnıchenko ı K» jaýapkershiligi shek­teýli seriktestiginiń jumysymen tanys­ty. 500-den astam qyzmetker eńbek ete­tin ká­sip­oryn 4 091 gektar jerdegi 13 sharýa qo­ja­ly­ǵyn biriktiredi. Munda egin­shilik, mal sha­rýashylyǵy jáne óńdeý óndi­risiniń tolyq júıesi qalyptasqan. Depýtat­tar se­riktestik ujymymen kez­desip, Qazaqstan Pre­zıdentiniń halyqqa Joldaýyndaǵy negizgi maqsattar men mindetter týraly aıt­ty jáne eńbek­ker­lerdiń saýaldaryna jaý­ap berdi. 

Senatorlar «Taıjanov» sharýa qoja­ly­ǵynyń eńbek ujymymen de kezdesti. Depýtattar Eskeldi aýdanyndaǵy Jeti­sý aýylyndaǵy orta mektepte ustaz­dar qaýymymen júzdesip, bilim berý júıe­sindegi jaǵdaı týraly habardar etti já­ne bilim mekemesiniń materıaldyq baza­symen tanysty. 
Senatorlar Tekeli qalasynda da boldy. Munda Ortalyq Azııa ýnıversıtetiniń jańa ǵımaratynyń qurylysymen, stýdenttik qalashyqpen jáne «Bapy Mining» zaýytymen tanysty. 

Senat depýtattary Taldyqorǵan qala­synda Almaty oblysynyń ákimi A.Ba­ta­lovpen kezdesti, qaladaǵy birqatar áleý­­mettik mekemelerdiń: Jastar orta­ly­ǵynyń jáne qalalyq kópsalaly aýrý­ha­­nanyń jumysymen, Qaratal ózeniniń ja­ǵa­­laýynda ornalasqan balalardyń oıyn-saýyq ortalyǵymen 
tanysty. 

Senatorlar Sarqant aýdanynda Almaly aýylyndaǵy dárigerlik ambýla­to­­rııada jáne Sarqant gýmanıtarlyq kol­led­jinde boldy, jergilikti turǵyn­dar­men kez­desti. 

Qapshaǵaı qalasynda bolǵan kezde senatorlar «Knaýf Gıps Qapshaǵaı» me­kemesiniń ujymymen júzdesip, saıabaq pen sport kesheninde boldy. Qalalyq ákim­dik ǵımaratynda máslıhat depýtat­tarymen, ákimdik qyzmetkerlerimen, qu­qyq qorǵaý organdary men buqaralyq a­q­parat quraldarynyń ókilderimen, sharýa qo­jalyqtarynyń basshylarymen kezdesti. 

Joǵarǵy Palatanyń depýtattary Tal­ǵar qalasynda «Baıserke Agro» meke­me­siniń ujymymen de júzdesti.

Depýtattardyń jergilikti turǵyn­dar­men kezdesýleri barysynda Elbasynyń «Qazaq­stannyń úshinshi jańǵyrýy: jahandyq básekege qabilettilik» Jol­daýynyń negizgi ere­jeleri túsin­di­ril­di, Pre­z­ıdenttiń «Bola­shaqqa baǵdar: rý­ha­nı jańǵyrý» maqa­la­synyń mazmuny tal­qylandy. Kezdesýge qatysýshylar Par­lamenttiń zań shyǵarý qyzmeti men Senattyń halyqaralyq salada atqarǵan isteri týraly habardar etildi. Atap aıtqanda, Áleýmettik-mádenı damý jáne ǵylym komıtetiniń tóraǵasy B.Áıtimova zańdardaǵy halyqty áleýmettik qamta­ma­syz etý, mindetti dárigerlik saqtandyrý júıesi, memlekettik bilim berýdegi jınaq júıesi, mádenıet, dene shynyqtyrý jáne sport máseleleri jónindegi jańalyqtar týraly aıtyp berdi.