Ishki ister mınıstriliginiń bastamasymen Qazaqstan polısııasynyń 25 jyldyǵyna arnalǵan is-sharanyń maqsaty ishki ister organdarynda til saıasatyn nasıhattaý, polıseılerdi otansúıgishtikke tárbıeleý, qyzmette jáne kúndelikti turmysta memlekettik tildiń qoldanys aıasyn keńeıtý jáne polıseı mamandyǵynyń bedelin arttyrýdy boldy. Konkýrsqa Qazaqstannyń barlyq oblystarynan jáne úsh joǵary oqý oryndarynan kelgen 19 komanda ózara kúsh synasty. Úsh kezeńnene quralǵan baıqaý barysynda qatysýshylarǵa akterlik sheberlikterin, ónerlerin, bilimderin jáne memlekettik tilde óz oılaryn jetkizý talaptary qoıyldy. Birinshi kezeńde ár komanda ózderin tanystyryp, qyzmette memlekettik tildiń qoldanylýyn qoıylymdar arqyly kórsetti. Ekinshi kezeńde Otandy, eldi, jerdi súıýge degen súıispenshilikti týdyratyn partrıottyq jáne avtorlyq ánder shyrqaldy. Aqtyq synda komanda kapıtandary zańnamalar, elimizdiń tarıhı qundylyqtary, salt-dástúrleri boıynsha bilim jarystyrdy.
Baıqaýdyń qorytyndysynda Aqtóbe OIID-niń «Sert beremiz» komandasy birinshi orynǵa laıyq dep tanyldy. Ekinshi oryndy «Kókshe saqshylary» /Aqmola oblysy/ men «Taraz qyrandary» /Jambyl oblysy/ ıelendi. Úshinshi oryndy «Saryarqa saqshylary» /Pavlodar oblysy/, «Kaspıı» /Mańǵystaý oblysy/ jáne Qostanaı akademııasynyń «Qabylbaev urpaqtary» komandalary bólisti .
«Kórermen kózaıymy», «О́nerli komanda», «Tilegi men tili bir», «Akterlik sheberligi úshin», «Úzdik kapıtan» atalymdary boıynsha jeńimpazdar anyqtaldy. Sonymen birge oblystyq jáne kóliktegi IID-teri arasynda uıymdastyrylǵan úzdik beınerolık baıqaýy qorytyndysynda birinshi dárejeli dıplommen Mańǵystaý OIID marapattaldy.
О́mir Esqalı,
«Egemen Qazaqstan»
Soltústik Qazaqstan oblysy.
