Merekelik jıynǵa qatysqan Ońtústik Qazaqstan oblysynyń ákimi J.Túımebaev barsha óńir jurtshylyǵyn merekemen quttyqtap, 15 azamatty oblys ákiminiń gramotasy jáne alǵys hatymen marapattady.
О́z quttyqtaý sózinde óńir basshysy Konstıtýsııa - birligi men yntymaǵy jarasqan eldigimizdiń buljymas baǵdary, kemel keleshegimizdiń kepili ekenin atap ótti.
«Halyqtyń ózi daýys berip, qabyldaǵan Ata Zańymyz órkenıetti memleketterdiń barlyǵyna tán demokratııalyq qaǵıdalarmen tolyq qamtyldy. Konstıtýsııa birligimizdiń turaqtylyǵyn, memlekettik qurylym men elimizdiń tutastyǵyn bekitip berdi. Árbir azamattyń ózin teń sezinýine jáne quqyqtaryn saqtaýyna berik negiz boldy. Jasampaz jańa dáýirge jol ashty. Elimizdiń jetken jetistigi men alǵan belesi osy tuǵyrly Konstıtýsııamyzdyń arqasynda múmkin boldy»,-dedi J.Túımebaev.
Merekelik shara «Ata Zań – azattyqtyń aıǵaǵy, táýelsizdiktiń tuǵyry» atty sahnalyq kórinis pen «Táýelsizdik tańy» áni, «Baqytty el – Baqytty otbasy» sazdy horeografııalyq qoıylym, «Qýatty Armııa - Qýatty Qazaqstan» sazdy patrıottyq sherýi syndy konserttik baǵdarlamamen jalǵasyn tapty.
Jańa memleketimizdiń quqyqtyq negizin aıqyndaǵan Konstıtýsııamyzdyń qabyldanǵanyna bıyl 22 jyl tolyp otyr.
