Oblys ákiminiń ókimimen atalǵan basqarmanyń basshysy ári Ońtústik Qazaqstan oblysynyń Bas memlekettik eńbek ınspektory laýazymyna Almasbek Keńesbekuly Mamytbekov taǵaıyndaldy.
Almasbek Keńesbekuly buǵan deıin Ordabasy aýdanynyń ákimi qyzmetin atqarǵan bolatyn. Aıta keteıik, Almasbek Mamytbekov 1969 jyly týǵan, bilimi joǵary, mamandyǵy - geografııa jáne bıologııa pánderiniń oqytýshysy, ekonomıka jáne bıznes bakalavry.
Eńbek jolyn 1984 jyly Shymkent oblysy Túlkibas aýdanynyń qus fabrıkasynyń elektromonteri retinde bastaǵan. Memlekettik qyzmetti 1996 jyly Shymkent qalalyq jastar isi, týrızm jáne sport basqarmasynyń mamany laýazymynan bastaǵan.
2005-2016 jyldary Ońtústik Qazaqstan oblysy ishki saıasat departamenti dırektorynyń orynbasary, Ońtústik Qazaqstan oblysy Túlkibas aýdany ákiminiń orynbasary, Ońtústik Qazaqstan oblysy ishki saıasat basqarmasynyń bastyǵy, Ońtústik Qazaqstan oblysy ákimi apparatynyń uıymdastyrý-ınspektorlyq bólimindegi oblys ákiminiń bas ınspektory, «Nur-Otan» partııasynyń Ońtústik Qazaqstan oblysy boıynsha fılıaly tóraǵasynyń orynbasary jáne birinshi orynbasary, Ońtústik Qazaqstan oblysy ákimi apparaty baspasóz qyzmetiniń basshysy, Ońtústik Qazaqstan oblysy ishki saıasat jáne din isteri basqarmasynyń, Ishki saıasat basqarmasynyń basshysy laýazymdaryn atqarǵan.
