Memleket basshysy ekijaqty kezdesý barysynda AQSh Energetıka mınıstriniń orynbasaryna halyqaralyq «EKSPO-2017» mamandandyrylǵan kórmesine qatysqany úshin rızashylyq bildirdi.
Nursultan Nazarbaev dıplomatııalyq baılanystarymyz ornaǵan 25 jyl ishinde eki el arasynda senimdi yntymaqtastyq qalyptasqanyn aıtty.
– Biz bıyl dıplomatııalyq qarym-qatynasymyzdyń 25 jyldyǵyn atap ótemiz. Osynaý jyldar ishinde Qazaqstan AQSh-pen senimdi seriktestik ornatty, bul qarym-qatynasqa eshqandaı kóleńke túsken emes. Osy ýaqytta energetıka jáne demokratııalyq áriptestik salalaryndaǵy kelisimderge qol qoıyldy. Biz ıadrolyq qarýǵa qarsy kúres júrgizý máselesin birlese sheship otyrdyq. Halyqaralyq kún tártibindegi barlyq másele boıynsha Qazaqstan men sizdiń elderińizdiń ustanymy birdeı boldy, – dedi Memleket basshysy.
Nursultan Nazarbaev Qazaqstan men AQSh arasyndaǵy ekonomıkalyq qarym-qatynastardyń nátıjelerine erekshe toqtalyp, ony ári qaraı damytýǵa nıetti ekenimizdi atap ótti.
– Qazaqstanda Amerıka kapıtalynyń qatysýymen 500-den astam kompanııa jumys istep jatyr. Olardyń qatarynda elimizdiń ekonomıkasyna 40 mıllıard AQSh dollaryn quıǵan iri munaı kompanııalary bar. Biz yntymaqtastyǵymyzdy odan ári damytýǵa ázirmiz, – dedi Qazaqstan Prezıdenti.
D.Brýıllett AQSh Prezıdenti D.Tramptyń atynan Nursultan Nazarbaevty jáne barsha qazaqstandyqtardy «EKSPO-2017» halyqaralyq kórmesiniń ótýimen quttyqtady.
– Biz ekijaqty qarym-qatynasymyzdy energetıka sektorynda ǵana emes, sondaı-aq basqa salalarda da jalǵastyrýǵa daıynbyz. Men búgin Qazaqstannyń birqatar memlekettik organdarynyń jetekshilerimen, sonyń ishinde elderińizdiń Energetıka mınıstrimen kezdestim. Sonymen qatar, Vashıngton Qazaqstannyń Dúnıejúzilik saýda uıymy men Ekonomıkalyq yntymaqtastyq jáne damý uıymyna múshe bolýyna qoldaý kórsetýge nıetti ekenin jetkizemin, – dedi AQSh Energetıka mınıstriniń orynbasary.
Budan bólek, D.Brýıllett Qazaqstanda shetel bıznesmenderine qolaıly jaǵdaı jasalǵany, sonyń ishinde ınvestorlarǵa arnalǵan vızalyq rejimge ózgeris engizilgeni úshin Memleket basshysyna alǵys aıtty.
