Atyraýlyq ardagerler kórmeni aralady

Barlyq qalalyq, aýdandyq ke­ńes­terge hattar jiberilip, saparlardy uıymdastyrý jóninde usynystar aı­tyl­dy. Erte qolǵa alynǵan ázirlik ju­my­stary óziniń ıgi nátıjelerin berdi. Kú­ni búgin oblystyń qala, aýdandarynan qu­ramynda 300-ge jýyq ardagerlerdi qamtyǵan 13 top ásem qala Astanada bolyp, EKSPO-2017 kórmesine qatysyp qaıtty. Olar kórmeniń ǵajaıyptaryn tama­shalap qana qoımaı, astanamyzdyń sáý­letti áleýmettik, mádenı nysandarymen, umytylmas eskertkishterimen tanysty.

Tamyz aıynyń 13-19-y arasynda EKSPO-2017 kórmesine Atyraý oblysy ákimdiginiń kásipkerlik jáne ındýs­trııa­lyq-ınnovasııalyq damý basqarmasy men ob­lystyq keńes uıymdastyrǵan saparǵa barǵan ardagerler tobynyń quramyna 26 eńbek ardageri kirdi. Olardyń arasynda ónerkásip, aýyl sharýashylyǵy, kólik, densaýlyq saqtaý, bilim berý, bıýdjettik sala ardagerleri boldy, burynǵy eńbek etken mekemeleri tarap ketken ardagerler de nazardan tys qalǵan joq. Ardagerler úshin Atyraý-Astana-Atyraý baǵytynda arnaýly vagon bólindi.

Kórmede ardagerlerge ásirese, Qazaq­stan­­nyń «Nur Álem» pavılony umy­tyl­mas áser qaldyrdy. Ǵalamshardyń ishi er­tegi álemindeı boldy. Týǵan elimiz­diń bo­­la­shaǵyna degen úlken senimge bólen­ge­­nimizdi jasyra almaımyz.

Reseı Federasııasy, Germanııa Fede­ra­tıv­tik Respýblıkasy, Argentına Res­pýb­lıkasy, Monako knıazdyǵy, Nıder­la­nd koroldigi, Fransııa Respýblıkasy, Afrıka memleketteri, Ortalyq Azııa res­pýb­lıkalarynyń pavılondary arda­ger­lerge jaqsy áser qaldyrdy. Kórme qyz­metkerleri ardagerlerdi erekshe rıza­shylyqqa bóledi.

Atyraýlyq ardagerler tek kórmeni tamashalaýmen shektelip qana qoımaı, as­tanamyzdyń «Báıterek», «Qazaq eli» monýmentterin, «Haziret Sultan» me­shi­tin, Kenesary han eskertkishin, Beı­bitshilik pen kelisim saraıyn, jańa kórikti aýdandaryn aralaýǵa múmkindik aldy.

Ásirese, kórmege arnaýly jasaqtalǵan «Etnoaýyl» kesheni óziniń tarıhı erek­she­li­gimen, ulttyq qundylyqtarmen kózdiń jaý­yn aldy. Ardagerler Mańǵystaý obly­sy kúnderiniń ashylýyna qatysyp, qa­zynaly ólkeniń qolóner sheberleriniń qo­lynan shyqqan jaýhar dúnıelermen ta­nysty.
Qoǵam qaıratkeri N.Abdolova, eńbek ar­dagerleri Q.Ońǵarsynov, B.Amırov, E.Jákıev, R.Ospanov, G.Iаsko jáne bas­qalary ardagerlerdiń bıik mártebeli kór­mege barýyna jan-jaqty qoldaý kór­setken oblys ákimi  N.Noǵaevqa erekshe rı­za­shylyqtaryn bildirdi.

Atyraýlyq ardagerler úshin osyndaı saparlardy qala, aýdan ákimderi, «NKOK», «TShO» kompanııalary da uı­ym­das­tyryp otyrǵanyn rızashylyq sezim­men atap ótkimiz keledi.

Serik MUHAMBETOV, 
Atyraý oblystyq ardagerler keńesi tóraǵasynyń orynbasary