Kentaý osy ıgilikti iske jan-jaqty daıyn. Búginde shahar aýmaǵynda tabıǵı gazdy taratatyn stansa men magıstraldy qubyrdyń jumysy aıaqtalyp qaldy. Túrkistannan tartylǵan gaz qubyry Áziret-Sultan murajaıyndaǵy ataqty Taıqazan quıylǵan Qarnaq aýylyna da jetti. Merdiger «Shymkent-Gaz» seriktestigi montajdaý jumystaryn aıaqtaýǵa jaqyn.
Kógildir otynnyń qalaǵa kirýi alyp kásiporyndar men shaǵyn jáne orta kásiptiń órkendeýine jol ashady.
Jalpy, Kentaýda eń úlken problema – qys kezinde jylýdyń jetkiliksizdigi bolatyn. Ortalyq JEO-ny jyl saıyn mol qarjy salyp lekerlegenimen alyp qazandyqtarǵa kómir jetkize almaı pushaıman bolyp otyratyn edi. Endi qudaı qalasa, monoqala halqy qys kezindegi búrseńdep tońǵandaryn jaısyz tústeı ǵana kóretin kúıge jetedi.
Baqtııar TAIJAN,
«Egemen Qazaqstan»
Ońtústik Qazaqstan oblysy
