Almaty ákimi Baýyrjan Baıbek Erlan Áýkenovtyń energetıkalyq keshen men kommýnaldy sharýashylyq salalaryn, kásipkerlikti damytýdaǵy, ınvestısııa tartýdaǵy jáne basqa da atqarǵan jumystaryn joǵary baǵalady.
Sońǵy 2 jyl ishinde Almatynyń ındýstrııa Kartasyna 190 mlrd. teńgeniń 100 jobasy engizildi, onyń quny 35,6 mlrd. teńge bolatyn 33 jobasy iske asty, sonyń arqasynda qalada 2,7 myń jańa jumys orny paıda boldy.
Bıznestiń Jol kartasy jáne qalalyq «Jibek joly» baǵdarlamalary aıasynda 2015 jyldan bastap 755 bıznes-joba memleketten qoldaý tapty, nátıjesinde 3,4 jańa jumys orny ashylyp, burynnan bar 10 myńnan astamy saqtalyp qaldy. «Jibek jolynyń» ıgi isterin saralaı kelip, bıylǵy jyly úsh jańa óńirlik baǵdarlamalar: «Almaty ónim», «Almaty ınnovasııa» jáne «Almaty týrızm» jumys isteı bastady, bulardyń jalpy quny 1,3 mıllıard teńge.
Almatyda Erlan Áýkenovtyń bastamasy boıynsha elimizde balamasy joq kásipkerlikti yntalandyrýdyń jańa nysandardy ashý Kartasy iske asty. 2016 jyly quny 156,6 mlrd. teńge bolatyn 131 obekt ashyldy jáne 3 myńnan astam jańa jumys orny quryldy. 2017 Kartaǵa 155 mlrd. teńgeniń 93 jobasy endi. Atap óterlik jaıt, Almaty boıynsha baǵalanatyn Qazaqstan «Doing Business» halyaralyq reıtınginde 2015 jyldan 77-den 35 orynǵa kóterildi.Búkilálemdik banktiń baǵasy boıynsha sýbulttyq reıtıngte Almaty 8 qalalardyń ishinen1-shi oryndy ıelendi.
Jylýenergetıka kesheni men TÚKSh-ta sońǵy 3 jyl ishinde júrgizilgen qaıta jasaý barysynda apatty jaǵdaılar 10%-ǵa tómendedi. Jylý maýsymy bastalar aldynda birneshe ınjenerlik jeliler iske qosylatyn bolady, bul ótken 2 jylmen salystyrǵanda edáýir kóp.
Erlan Áýkenovtyń oqý demalysy kezinde Almaty qalasy ákiminiń orynbasary mindetin atqarýshy bolyp Almas Mádıev taǵaıyndaldy, ol buǵan deıin Kásipkerlik jáne ındýstrıaldy-ınnovasııalyq basqarmanyń basshysy qyzmetin atqarǵan edi.
Almas Mádıev mamandyǵy boıynsha ınjener-ekonomıst, zańger, Jambyl jeńil jáne tamaq ónerkásibi tehnologııalyq ınstıtýtyn, K.A.Iаssaýı atyndaǵy Halyqaralyq Qazaq- Túrik Ýnıversıtetin bitirgen.
Túrli jyldary Jambyl tehnologııalyq ınstıtýtynda oqytýshy, Jambyl oblysy ákimdigi ekonomıka jáne bıýdjettik josparlaý basqarmasynda jetekshi maman, Jambyl oblysy ákimi apparatynyń qarjy jáne áleýmettik qorǵaý bólimderiniń basshysy, Jambyl oblysy ákimdigi ekonomıka jáne bıýdjettik josparlaý jáne kásipkerlik pen ónerkásip basqarmalarynyń basshysy, «UK «ÁKK «Ońtústik» AQ-nyń qarjy dırektory, basqarýshy dırektory,basqarma tóraǵasynyń orynbasary, «Qazaqstannyń Investısııalyq qory» AQ-nyń qarjy departamentiniń dırektory, «UK «ÁKK» Pavlodar» AQ-nyń basqarma tóraǵasy, Jambyl oblysy Kásipkerlik jáne ındýstrıaldy-ınnovasııalyq damý basqarmasynyń basshysy qyzmetterin atqarǵan.
