25-29 tamyz aralyǵynda Astanada ótken forýmda kórnekti ǵalymdar, saıasatkerler, Birikken Ulttar Uıymynyń jáne basqa da halyqaralyq uıymdardyń ókilderi, qaýipsizdik salasyndaǵy sarapshylar bas qosty.
Q. Toqaev óz sózinde Pagýosh konferensııasy ashylǵan sátinen bastap óziniń ǵylymı ıdeıalarymen, ıadrolyq qarýdan azat álem qurý máseleleri jónindegi asa mańyzdy mazmundy jáne syndarly pikirsaıystarymen tanymal ekenin eske saldy. Tóraǵa túrli memleketterdegi azamattardyń, onyń ishinde jastardyń arasynda qarýsyzdaný ıdeıalaryn keńinen taratýda Pagýosh qozǵalysynyń rólin joǵary baǵalady.
Onyń sózinde ıadrolyq qarýǵa qarsy halyqaralyq qozǵalysqa Qazaqstannyń jańa serpin bergeni atap ótildi. Senat Tóraǵasy: «26 jyl buryn dál osy kúni Prezıdent Nursultan Nazarbaevtyń tarıhı Jarlyǵyna sáıkes Semeı ıadrolyq polıgony jabylǵan bolatyn, ol qarýdy taratpaý jáne qarýsyzdaný salasyndaǵy jahandyq kúsh-jigerde basty ról atqarady», - dep atap ótti.
О́ziniń sózin aıaqtaı kelip Q. Toqaev Qazaqstan Respýblıkasy beıbitshilik pen qaýipsizdikti nyǵaıtý úshin Pagoýsh qozǵalysymen nátıjeli baılanystardy jalǵastyra beretinine senim bildirdi.
