Sport keshenin qaıta jańartý men jóndeýge 224,13 mln. teńge, al qural-saımandarǵa, turmystyq tehnıka, jıhaz jáne basqa da qajetti jabdyqtarǵa 102,948 mln.teńge qarajat jumsalǵan. Sport kesheni bes fýnksıonaldyq bólimnen turady. Aýdany 470 sharshy metr bolatyn fýtbol, voleıbol, basketbol jáne kórkem gımnastıkadan jattyǵýlarǵa arnalǵan zamanaýı sporttyq quraldarmen jabdyqtalǵan ámbebap sport zaly bar. Sondaı-aq, alańy 216 sharshy metr bolatyn shyǵys jekpe-jegi zaly, jabyq júzý basseıni, zamanaýı quraldarmen, fıtness trenajerlermen jabdyqtalǵan, aýdany 300 sharshy metr bolatyn trenajer zaly, aýdany 648 sharshy metr rezeńke jabyny bar shaǵyn fýtbol ashyq alańy jáne jeke sheshiný bólmeleri bar.
Árbir zal sanıtarlyq torappen jabdyqtalǵan, sheshiný bólmeleri, dýsh, basseın bar. Ákimshilik-turmystyq ǵımaraty, resepshn, garderob, kir jýatyn oryn, medkabınet, jattyqtyrýshylar bólmesi qarastyrylǵan.
-Bul aýqymdy jáne jarqyn sporttyq mereke Qazaqstan memleketi saıasatynyń mańyzdy basymdyqtaryn iske asyrýǵa - salaýatty ómir saltyn nasıhattaýǵa, deni saý urpaqty tárbıeleý men buqaralyq sportty damytýǵa óz yqpalyn tıgizedi. Bizdiń aımaqtaǵy sport mádenıetin jandandyrý jolynda atqaryp jatqan jumystary úshin «Kaskor-Transservıs» AQ aksıonerleri men basqarmasyna alǵysymdy bildiremin. Sport kesheniniń ashylýy bizdiń memleketimizdiń buqaralyq sport qozǵalysyn keńeıtý saıasatyna sáıkes keledi. Qazaqstan halqyna Joldaýynda N.A. Nazarbaev 2020 jylǵa deıin el halqynyń 30 paıyzyn dene shynyqtyrý men sportqa tartýǵa shaqyrdy. Tek salaýatty ult básekege qabiletti bolýy múmkin, demek, memlekettik baǵdarlamany júzege asyrý aıasynda keshendi qaıta qurý óte ózekti, dedi Mańǵystaý oblysynyń ákimi E. Toǵjanov keshenniń ashylý saltanatynda.
Gúlaıym ShYNTEMIRQYZY,
«Egemen Qazaqstan»
