Oblystyq jer qoınaýyn paıdalaný, qorshaǵan orta jáne sý resýrstary basqarmasynyń málimtetterinshe, bul oblys ortalyǵyndaǵy «Qazaqstan Alıýmınııi» AQ, №1,№2 jylý elektr ortalyqtary, KSP Steel, PMHZ, «Qazaqstan elektrolız zaýyty» AQ, Aqsý ferroqorytpa zaýyty, Eýrazııalyq energetıkalyq korporasııasy, «Kastıng» kásiporyndary. Sondyqtan, osy alyp kásiporyndardyń qorshaǵan ortaǵa tızigetin zııanyn anyqtaý úshin óndiristik jumystar kúndizgi jáne túngi ýaqyttarda júrgizilip, 11 element boıynsha 7520 synama alynady.
О́ńirde ónerkásip, tústi jáne qara metallýrgııa, elektr, jylý energııasy, munaı óńdelip, glınozem óndiriledi. О́ndirister qajet-aq, biraq, bul kásiporyndardyń damýy óńirdiń ekologııalyq jaǵdaıyna zııan keltirýde. Elimizde qorshaǵan ortaǵa zııandy zattardyń júz paıyzǵa jýyǵy oblys úlesinde bolsa, oblys ortalyǵynda 26, Aqsýda 24, Ekibastuzda 33 paıyzdan keledi.
Basqarma tarapynan ónerkásiptik aýmaqtaǵy aýanyń sapasyn baǵalaý jumystary táýliktiń túngi ýaqyty eskerilip, aýanyń sapasy anyqtalýda. Al, «Synamalardy alý baǵdarlamasyna» jyl saıyn ózgerister engizilip turady. 2015 jyly óndiristi úsh qalada tekserister júrgizilipti. Nátıjesinde saraptalatyn elementterdiń shekti normadan asýy Aqsý ferroqorytpa zaýyty, «Qazaqstan alıýmınııi» AQ, «KSP Steel» kásiporyndarynda anyqtalypty. Kásiporyndarǵa qatysty tıisti sharalar qolǵa alynyp, shamamen 1 mıllıon teńgege jýyq aıyppul salynypty.
Farıda BYQAI,
«Egemen Qazaqstan»
