Prezıdent Nursultan Nazarbaev Konstıtýsııa kúnimen quttyqtady

Qymbatty otandastar!
Barshańyzdy halqymyz úshin ma­ńy­zy zor mereke – Konstıtýsııa kúnimen qut­tyqtaımyn! Osydan 22 jyl buryn jalpy­ha­lyq­tyq referendýmda qabyldanǵan Ata Zańy­myz Qazaqstan Respýblıkasynyń zaıyrly, quqyqtyq jáne birtutas memleket retindegi bazalyq negizin qalady.
Konstıtýsııa táýelsizdigimizdiń be­rik tiregine, tabysty damýymyzdyń jáne Qazaqstannyń halyqaralyq deń­geı­degi bıik bedeliniń kepiline aınaldy. Ol elimizdiń basty qundylyqtary retinde qoǵamdyq-saıası birlikti, kelisim men turaqtylyqty qalyptastyrdy.
Saıası júıeniń tıimdiligin arttyrý jáne memlekettigimizdiń myz­ǵy­mas­tyǵyn qamtamasyz etý baǵytynda eli­mizde júrgizilgen konstıtýsııalyq reforma jańa jahandyq ózgeristerge jaýap beredi.

Konstıtýsııamyz Qazaqstannyń álem­niń ozyq 30 eliniń qataryna qosy­lýy jolynda jańǵyrý úderisin odan ári iske asyrýdyń, demokratııalyq bastamalarymyzdy nyǵaıtýdyń, azamattardyń ál-aýqatyn kóterýdiń jáne qoǵamdy biriktirýdiń mańyzdy faktory bolyp sanalady.

Barsha qazaqstandyqtarǵa shyn kó­ńil­den beıbit ómir, tabys jáne qut-be­reke tileımin!