Atalmysh fılm Almaty oblysynyń ekonomıkalyq jaǵdaıyn kórsetý, táýelsizdik jyldary syrtqy naryqtyń hal-ahýaly, jergilikti kásipkerlerdiń bıznes-jobalary, oblystyń ınvestısııalyq tartymdylyǵyn derekti fılmindegi keıipkerlerdiń taǵdyrymen baılanystyryp túsirilgen. Bul týraly oblystyq óńirlik kommýnıkasııalar qyzmeti alańynda belgili boldy.
Fılm jergilikti tarıhshylardyń suhbatynan, Qazaqstan Respýblıkasy Prezıdentiniń muraǵatynan jáne tanymal tulǵalardyń sózderinen alynǵan. Atalmysh fılmdi 3 aı kóleminde túsirgen. Túsirýshilerdiń aıtýynsha operatorlyq kemshiliktiń kesirinen, keıbir sıýjetterdi qaıta túsirýge týra kelgen. Alaıda, berilgen ýaqyt ishinde túsirilim aıaqtalǵan.
«Kıno túsirý ońaı sharýa emes. Oǵan ýaqyt pen qarajat kerek. Derekti fılm bolǵandyqtan, oǵan akterler emes, qarapaıym adamdar túsken. «Táýelsizdik jyldaryndaǵy Almaty oblysynyń qalyptasýy» fılminiń basty maqsaty - osy táýelsizdik jyldaryndaǵy Almaty oblysynyń qaryshtap damyǵanyń kórsetý. Sonymen qatar oblysymyz Elbasymyzdyń týǵan ólkesi bolyp tabylady», - dedi belgili kınorejısser,«Tanarıs» kınokompanııasynyń dırektory Sergeı Jumabaıuly.
