Islam – yntymaqtyń uıytqysy

Aqtóbege  jumys saparymen kelgen  Qazaqstan musylmandary dinı  bas­qarmasynyń tóraǵasy, Bas múftı  Ábsattar qajy Derbisáli bastaǵan bir top teolog-ǵalymdar «Dostyq» úıinde ótkizilgen «Islam – yntymaq pen birlik dini» atty ǵylymı-tanymdyq konferensııaǵa qatysty. «Nur-Múbarák» Egıpet Islam ýnıversıtetiniń prorektory Shámshedın Kerim, osy joǵary oqý ornynyń dekany Muhammed Mahfýz, teolog Asqar Sabdın jáne basqalary ıslam dini, onyń erekshelikteri, ımandylyq, dástúrli dinderdiń  jáne   jat pıǵyldaǵy dinı aǵymdardyń aıyrmashylyqtary týraly taǵylymdyq baıandamalar jasady. Olar  ıslam álemi, dinı terrorızm, musylmandyq ádepter, Ábý Hanıfa mazhaby týraly jan-jaqty áńgimeledi, dinı senimge qatysty kóptegen jáıtterge túsinik berdi. Teolog-ǵalymdar  óńirge jumys sapary barysynda Marat Ospanov atyn­da­ǵy Batys Qazaqstan memlekettik ýnıversıtetiniń stýdent-jasta­rymen kezdesti. Satybaldy SÁÝIRBAI, Aqtóbe.