Sýret ng.kz saıtynan alyndy
«Aıyptaý aktisine sáıkes, Z.Izaldınaǵa asa iri kólemde alaıaqtyq jasady, qylmystyq top múshelerimen aldyn ala kelisý arqyly asa iri kólemdegi turǵyn úılerdi zańsyz alyp qoıýdy uıymdastyrdy, aldyn ala kelisý arqyly qylmystyq top múshelerimen turǵyn úıdi zańsyz alyp qoıǵan, aldyn ala kelisý arqyly eki jáne odan da kóp adamdardy óltirý maqsatynda qastandyq jasaýdy uıymdastyrdy» dep habarlady oblystyq prokýratýranyń baspasóz qyzmeti.
Rashıda Sandybaevanyń ólimine Z.Izaldınanyń qatysy onyń burynǵy pasıenti, buryn úsh ret adam óltirgen Pavel Konevtiń aqparaty arqyly anyqtaldy. Onyń aıtýymen 2 naýryz kúni osy qylmysqa qatysy bar Rýslan Ǵafarov pen Kıtebaev ustaldy, 4 naýryz kúni Záýresh Izaldına qamaldy.
Tergeý barysynda kúdikti Z.Izaldınanyń Rashıda Sandybaevadan basqa taǵy bir adamdy, ıaǵnı psıhıatrııalyq aýrýhananyń qazirgi bas dárigeri Baqytjan Qoıshındi de óltirýge daıyndalǵany belgili boldy. Ol baskeserlerge osy eki adamdy óltirgeni úshin 100 000 AQSh dollaryn berýge ýáde etken. Baqytjan Qoıshın sotqa zardap shegýshi retinde qatysty. Sot oryndyǵynda Izaldınamen birge psıhıatrııalyq aýrýhananyń burynǵy emdelýshisi, qurylys fırmasynyń proraby Rýslan Ǵafarov, júrgizýshi Vıktor Kodatenko, jumyssyz Bolat Kıtebaev otyrdy. Oblystyq psıhıatrııalyq aýrýhanada bólim meńgerýshisi bolyp istegen Z.Izaldına úsheýimen kelisip, urlyqty, adam óltirýdi uıymdastyrǵan, óziniń pasıentiniń páterin 2007 jyly alaıaqtyqpen tartyp alǵan.
Qylmysty uıymdastyrýshy Z.Izaldınanyń ákesi Qazaqstan Respýblıkasynyń eńbek sińirgen dárigeri Qýanysh Aqbaev sotqa qyzynyń qorǵaýshysy retinde qatysýda.
Eske sala ketsek, ústimizdegi jyldyń 20 aqpanynda obylstyq psıhıatrııalyq aýrýhananyń burynǵy bas dárigeri Rashıda Sandybaeva óziniń páterinde aıýandyqpen óltirildi. Onyń denesine 30 jerden pyshaq urǵan.
Názıra JÁRIMBET,
«Egemen Qazaqstan»
Qostanaı
