О́te uıymshyl, myqty komandadan utyldyq. Chernogorııa barlyq jaǵynan myqty boldy. Fýtbolda soǵylǵan goldardyń 60 paıyzy standartty jaǵdaıdan kiredi. Al standarttyq jaǵdaı – bizdiń eń osal tusymyz. Daıyndyqta kóp jattyqqan edik. Biraq oıyn kezinde qarsylasymyzǵa tosqaýyl bola almadyq.
Bizge ne bolǵanyn bilmeımin. Gol soǵatyn múmkindikterimiz de boldy. Biraq sáttilik joldas bola qoımady. Chernogorııa álem chempıonatyna shyǵý úshin jantalasyp jatqan komanda. Búgin olar baryn saldy.
- Ulttyq quramaǵa fýtbolshylardy irikteıtin kezde qandaı jaıtty alǵa qoıasyzdar? Jartylaı qorǵaýshylar men qorǵaýshylar bir-birin múldem túsinbeıtini anyq baıqalady.
- Meniń oıymsha, ulttyq quramadaǵy jigitter – Qazaqstan premer-lıgasynyń úzdik oıynshylary. Búgin ózderin bar qyrynan kórsete almaǵan shyǵar, biraq jekelegen epızodtarda erekshelenip jatty. Oıynshylardyń bir-birin túsinbeýi psıhologııalyq turǵyda da áser etip jatyr. Biraq ta Chernogorııa oıynshylary álemniń úzdik komandalarynda óner kórsetetinin umytpaǵan jón. Sondyqtan olardyń halyqaralyq tájirıbesi de kóbirek. Bizge osy jaǵy da jetpeıtin sııaqty. Jattyǵý kezinde deńgeıimiz basqa bolǵanymen, alańda ashylyp kórsete almaı jatyr. Eger múmkindikterimizdi paıdalanǵanda jaǵdaı múldem basqa baǵytta órbıtin be edi!?
- Komanda múmkindikterin paıdalaný jaǵynan aqsap tur. Aldaǵy ýaqytta osynyń ornyn qalaı toltyrýǵa bolady? Sondaı-aq, ekinshi taımda áýedegi dopqa talasa alatyn uzyn boıly fýtbolshylardyń birin jiberý kerek pe edi?
- Sol múmkindikterimizdi tıimdi paıdalanýymyz kerek edi. Jattyǵý kezinde daıyndalatyn bolamyz. Komanda osyndaı qıyn ujymdarmen ótkizgen oıyndarda shynyǵa túsedi.
Sonymen qatar, alǵashqy taımda Jýkovtyń jaraqaty alańnyń ortalyq tusyna qıyndyq týdyrdy. Shabýyl men qorǵanysty baılanystyratyn birden bir oıynshy sol bolatyn. Onyń ústine Qýatpen «Qaıratta» oınaǵandyqtan, bir-birin jaqsy túsiner edi.
Al uzyn boıly shabýylshyǵa keler bolsaq, bálkim shyǵarýym kerek pe edi?! Biraq olardyń qaqpashysy, ortalyq qorǵaýshylary óte tájirıbeli ekenin de umytpaǵan jón.
– Ortalyq shabýylda uzyn boıly shabýylshy bolmady, biraq qaptalda oınaǵan jigitter dopty tym kóp áýeletip berdi. Osy kezde ne nárseden úmittendik?
– Mundaı tapsyrmany nyqtap bermegen edik. Bálkim jigitter qatty qobaljyǵan bolar. Biz negizinen qos qaptaldan shabýyldaýdy jón kórdik.
– О́tken jyly biz Polshamen, Rýmynııamen teń oınadyq. Bir jyl ishinde komandanyń oıyny quldyrap ketkeni me, álde basqa da sebepter bar ma?
– Shynymdy aıtsam, bul suraqqa jaýap berýim qıyndaý. Múmkin nazardan tys qaldyrǵan ózge de jaıttar bar shyǵar. Al búgingi jeńilisimizge ózimdi tolyqtaı kináli ekenimdi moıyndaımyn.
Aıan ÁBDÝÁLI,
«Egemen Qazaqstan»
