Saltanatty jıynǵa Mańǵystaý oblysynyń ákimi Eraly Toǵjanov, Máskeý, Astana, Almaty, Shymkent, Túrkistan qalalarynan kelgen qonaqtar, sonyń ishinde ǵalym, N.Ońdasynovty zertteýshi Qanat Eńsepov, Nurtas Ońdasynov týraly úsh kitaptyń avtory Gúlsim Orazalıeva, qoǵam qaıratkeri, zań ǵylymdarynyń doktory, professor, sot júıesiniń ardageri Beket Turǵaraev, Nurtas Ondasynovtyń nemereleri men týystary, el aǵalary men aımaq ardagerleri qatysty.
Nurtas Ondasynov sanaly ǵumyrynda halqyna aıanbaı qyzmet etti. Qazaq SSR Úkimetiniń Tóraǵasy, Qazaq SSR Joǵary Soveti Prezıdıýmynyń Tóraǵasy, Qazaqstan Kompartııasy Gýrev oblystyq komıtetiniń birinshi hatshysy qyzmetterin abyroımen atqardy. Sanaly ǵumyrynyń 25 jyl ómirin sovet-partııa qyzmetine arnady. Hrýshev zamanynda Qazaqstandy bólshekteý saıasatyna qarsy turdy. Munaı izdeýge salǵan tıymǵa qaramastan, Mańǵystaý munaıyn ashqan kórnekti ǵalym, qoǵam qaıratkeri, zeınetke shyqqannan keıin úsh tomdyq Arabsha-parsysha-qazaqsha túsindirme sózdikterdiń avtory.
- Elbasymyz «Rýhanı jańǵyrý» baǵdarlamasynda týǵan jerin túletken, Atamekeniniń ósip-órkendeýine at salysqan tarıhı tulǵalardyń taǵdaryna basty nazardy aýdardy. Olardy bilimdi urpaqqa tálim-tárbıeniń kózi etip kórsetti. Aqparat zamanynda olardyń esimderi bizderdiń rýhanı qazynamyz bolsyn dep basa aıtty. Al taý alystaǵan saıyn bıikteı túsedi. Nurtas Ondasynovtyń juldyzy ýaqyt ótken saıyn jarqyraı bermek. Osy mekteptiń oqýshylary Nurtas Ondasynovtyń atyna laıyqty azamat bolady dep senemin. Barshańyzdy búgingi Bilim kúnimen shyn júrekten quttyqtaımyn. Jańa jetistikter men jańa bastamalaryna sáttilik tileımin,-degen Mańǵystaý oblysynyń ákimi E. Toǵjanov Aqtaý qalasynyń №5 orta mektebine teledıdardy syıǵa tartty.
Gúlaıym ShYNTEMIRQYZY,
Mańǵystaý oblysy
